Home Salud Aumento di Malesanan no transmisible ta asocia na aumento di e IMC

Aumento di Malesanan no transmisible ta asocia na aumento di e IMC

10
0
SHARE
- Advertisement -

Segun Informe di OMS:

ORANJESTAD (AAN) – OMS ta defini e causa fundamental di sobrepeso y obesidad como un desekilibrio energetico entre calorianan consumi y gasta. E malesanan no transmisible cu ta e causanan mas halto di mortalidad, ta asocia na aumento di e Indice di Mansa Corporal (IMC).

Locual a sosode na nivel mundial ta:

  • Un aumento den e consumo di alimentonan di contenido calorico halto, cu ta rico den vet.
  • Un bahada den e actividad fisico debi na e naturaleza cada dia mas sedentario di hopi forma di trabao, e metodonan nobo di transporte y e creciente urbanizacion.
  • Cu frecuencia, e cambionan den e habitonan alimenticio y di actividad fisico ta consecuencia di cambionan ambiental y social, mara na e desaroyo y falta di politicanan di apoyo den e sectornan di salud, agricultura, transporte, planificacion urbano, medio ambiente, procesamento, distribucion y comercializacion di alimento y educacion.

OMS ta enfatiza cu un indice di mansa muscular eleva ta un factor importante di riesgo na malesanan no transmisible manera:

  • Malesanan cardiovascular, principalmente cardiopatia y accidentenan cerebrovascular, cu tabata e causa principal di morto na aña 2012.
  • Diabetes
  • Trastorno di e aparato locomotor specialmente osteoarthritis, un malesa degenerative di e articulacionnan cual ta hopi discapacitante.
  • Algun tipo di cancer manera endometrio, mama, ovario, prostate, higra, galblaas, nier y colon.

E riesgo di adkiri e tipo di malesanan no transmisible ta crece cu e aumento di e Indice di e Mansa Corporal (IMC).

 

 

- Advertisement -

DUNA COMENTARIO

Please enter your comment!
Please enter your name here