Home Cultura Bailarina hoben Maria Elaine de Cuba ta conta di su experiencia na...

Bailarina hoben Maria Elaine de Cuba ta conta di su experiencia na Merca

105
0
SHARE
- Advertisement -

ORANJESTAD(AAN)— E hoben studiante di Kozlov Dance Academy di 16 aña , Maria Elaine de Cuba , a bin bek recientemente for di e Summer Intensive Program di American Ballet Theatre cu a dura 3 siman y a tuma luga na Merca. Nan a scoge Maria Elaine for di mas miles di studianten cu a audiciona na mas di 30 diferente lugar rond di Merca.

American Ballet Theatre su Summer Intensive Program sa di ta un di e experiencianan di baile mas completo y gratifica cu un studiante por haya durante verano. Aki Maria Elaine ta comparti cu nos su experiencia como cu e ta e prome arubiano cu a haya un reconocimento asina:

Actualmente mi tin mas o menos 4 aña cu Kozlov Dance Academy. Prome ma duda si bay pa ballet of no mirando cu mi tawata tin 12 aña caba y mi no tawata sa nada di ballet, normalmente mayoria mucha muhe ta join ballet na un edad mas jong.

Despues di e prome les mi a keda inspira door di Mr. Kozlov cu ta duna les na un manera hopi profesional y cu dedicacion pa su arte y asina mi a dicidi di continua cu ballet.

Mi a realisa si despues cu pa mi por yega na un nivel mas halto mi lo mester atende mas cu 1 les pa siman poco poco mi a tuma mas les y e ultimo aña aki mi tawata atende te cu 5 les pa siman.

Mi a pone un meta hopi grandi mi dilanti ora mi a dicidi cu mi ta bay audiciona na New York y tambe cu un di e companianan di mas grandi na mundo y cu no ta acepta hende facil pa nan curso intensivo. Ora mi a bai e audicion sigur tawata algo hopi

emocionante.

Tawata tin hopi hoben presente cu sigur mas aña cu mi y pesey tambe mi tawata nervioso, pero e cos mas importante tawata pa no laga e nervio controla mi.

Na e audicion tawata tin un compositor pa toca e muziek cual na Aruba mi no sa tin y tambe tawata tin un cantidad masha grandi di hoben di tur dos genero.

Na e curso mes na Alabama , mi a conoce hopi hoben di rond mundo. Mi a tuma diferente estilo di baile cu mi no sa tuma normalmente entre otro Jazz, Modern y Character.

Na banda tambe nos tawata tin les nan manera drama , pilates/yoga , stage make-up y nutricion. Mi ta haya cu ma siña hopi y a haci mi best sigur desde e comienso y asina den e prome les nan a kies mi pa ta un solista den e baile di e grupo

cu nos a haci na final di e Curso. Esaki sigur tawata un logro grandi pami pasobra esaki tawata mi prome biaha pa a participa den un curso asina intensivo.

Na Aruba normalmente durante temporada di show mi ta train pa 18 ora pa siman y na Merca

mi tawata train 40 ora pa siman , esaki no solamente ta un reto fisicamente sino tambe mentalmente pa baila durante oranan largo.

E maestro nan tambe a tumami manera ehempel pa demostra diferente pasonan den e les , esaki sigur a lagami sinti

orguyoso di e trabou cu ma haci na Merca. E aña cu ta bin mi lo bai audiciona atrobe pa diferente compania grandi y tambe mi lo hiba mas hoben cu mi di Aruba pa asina nos por yega mas leu cu nos arte na un nivel internacional cu nos a logra den asina poco

tempo cu Kozlov Dance Academy. Mi meta no solamente ta pa yega na un nivel mas halto , sino tambe pa inspira otro hobennan den nos comunidad y nos chikitinnan pa tambe haci mesun cos y kere den nan mes , paso cu dedicacion y determinacion sigur

nan lo logra!

- Advertisement -

DUNA COMENTARIO

Please enter your comment!
Please enter your name here