Home Economia Belasting pa vehiculo di motor a trece miho entrada e aña aki

Belasting pa vehiculo di motor a trece miho entrada e aña aki

82
0
SHARE
- Advertisement -

ORANJESTAD  (AAN): Minister di finansas, Angel Bermudez a comenta cu si e mira e prome kwartaal di e aña aki, ta tene cuenta si cu cierto patronchi di temporada. Naturalmente semper e cumplimento por ta miho. Pero poco poco toch ta aumentando esey. Por mira esey den e Motorrijtuigenbelasting, caminda cu e modernizacion di e sistema di ley aki ya caba toch a trece miho entrada e aña aki, compara cu añanan anterior. Un parti ta debi na e caracter anticua di nos leynan di impuesto y ta keda traha tambe riba e modernizacion di esaki. Ta trahando awor aki tambe riba e otro leynan, pa asina ey toch pa otro aña, sigui formalisa e modernizacion di nos leynan di impuesto.

E ley pa Douane, e ALDA, tin basta tempo caba na Juridische Zaken. Eynan e mester wordo revisa pa asina e por bay den e trayecto di legislacion, bay Raad van Advies y despues Parlamento. Speranza ta pa formaliza prome cu fin di e aña aki. E ora e Cuerpo di Douane tin un base legal completamente moderno pa funciona riba dje y despues asina sigui traha tambe cu e otro leynan pa e departamento di impuesto tambe.

AZV

E fondonan ta drentando pasobra awe por ehempel, lider di MEP a bisa cu a tene un reunion cu AZV cu sr. Ringeling y sra. Tchong y a bisa nan cu e placa di BAZV no ta drentando manera mester ta, cual segun e mandatario no ta corecto. Informacionnan cu e ta haya di departamento di impuesto ta, cu entrada di BBO y di BAZV ta na nivel y hasta ta mas cu e aña anterior. E ora tin cu bisa warda te otro siman ora tin raportahe di e di dos kwartaal, e ora ta duna un refleho di e prome mita aña. E ora por mira e cifranan y despues comenta.

Kwijtschelding

Tambe a trece dilanti cu e kwijtschelding di SVB a bay den saco di Mike Eman. Minister Bermudez a splica cu e afschrijving ta bisa cu ta basicamente ora cu bo cancela un debe of un cobranza cu bo tin, y esey ta nifica cu no tin ningun fluho di placa. No tin ningun cashflow cu consecuencia, pero tin di haber cu e resultado di bo cuenta anual, di bo presupuesto. E caso di SVB ta cierto momento ta sumanan cu a acumula den decadanan y dado momento despues cu a bin e reforma na 2014 di e fondonan y e AOV y henter e areglo nobo cu a bin pa AOV, e ora tin cu cierto momento tin cu haci un balance cleansing, haci bo balance sheet limpi, caminda bo ta elimina tur loke ta anticua door di tempo cu no ta representa nada mas. Esey a haci y esey ta haya cu tin cierto afschrijving, tanto na debit como na credit. E ta dunabo e ora un balansa hopi mas actual, hopi mas representativo. E consecuencianan e ora ta wordo procesa den e presupuesto. Pero no ta consecuencianan cu por bisa cu placa a bay aki of a bay aya. No mester discuti mucho largo riba dje. Nos ta den campaña y ta haya tur sorto di gritonan asina y tur sorto di insinuacion. Realidad lo ta otro ora cu otro siman, ora bin cu e di dos raportahe di e aña aki, e ora tur hende por wak e cifranan.

 

- Advertisement -

DUNA COMENTARIO

Please enter your comment!
Please enter your name here