Home Politica Benny Nisbet: Bo no por kier un Aruba ‘green’ y bora...

Benny Nisbet: Bo no por kier un Aruba ‘green’ y bora pa gas y petroleo, cu por causa un desastre di otro mundo

168
0
SHARE
- Advertisement -

ORANJESTAD  (AAN): Dialuna durante e conferencia di prensa semanal di PPA, Benny Nisbet a trece dilanti cu pueblo di Aruba mester puntra su mes den ki direccion Gobierno Eman realmente a hiba pais Aruba.

“Nos a tende 8 aña largo cu e Gobierno aki kier hasi Aruba ‘green’, unda cu nan a move rond mundo y nan a participa na hopi conferencia pa acentua con green Aruba ta y con sigur Aruba ta bay ta di tin un situacion completamente green aki na Aruba na 2020”.

“Despues di tur e desaroyo ey, e Gobierno aki un dia pa otro a anuncia cu nan lo transforma e refineria den un ‘upgrader’”.

“Ora bo hasi esaki, na unda cu tin 6 biaha mas desperdicio, bo no por ta serio den bo ponencia di green”.

“Riba esey ta bin e ultimo desaroyonan, unda cu Minister de Meza a pone acento riba e boramento di gas y eventualmente crudo, den e ultimo dianan aki”.

Esaki segun Nisbet, kende a sigui bisa cu esaki ta bay contra e principionan di un pais green, pasobra ora cu bo ta bora, bo ta core e riesgo cu crudo ta bin halto y cu e ta bay riba bo beachnan, cu por crea un  desastre di otro mundo.

Nisbet ta haya cu gabinete Eman ta bisa un cos pero e ta hasi otro, cu ta algo cu el a demostra durante di 8 aña largo.

“Pesey e momento a yega pa pueblo di Aruba trece un cambio”, segun Nisbet.

- Advertisement -

DUNA COMENTARIO

Please enter your comment!
Please enter your name here