Home Politica Bikker: Minister Dowers ta campaña cu e palabra “duro” pero e realidad...

Bikker: Minister Dowers ta campaña cu e palabra “duro” pero e realidad ta cu e ta hopi zwak

49
0
SHARE
- Advertisement -

 

ORANJESTAD    (AAN):  E ola di criminalidad bow e maneho desastroso di e gobierno actual ta sugui kibra tur record. Den fin di siman nos isla a bolbe wordo asota cu dos atraco serio den menos cu 12 ora. Un na un cas na Cura Cabai unda cu un señora di edad a wordo atraca y herida den oranan di marduga. Riba e mes un dia un comerciante cu su trahadonan a bira victima di otro atraco violento.

E ultimo atraco a tuma luga den dia cla y den un area unda turistanan crusero ta frecuenta tur dia. Pues e ola di criminalidad no solamente ta afectando nos comunidad seriamente pero alavez ta forma un menasa aserio pa nos turismo, cual ta e pilar economico cu nos isla ta sostene riba dje.

Den 8 aňa di gobernacion ni e Minister di Husticia ni e Prome Minister actual no a sa di percura pa un plan efectivo pa preveni y combati criminalidad. “Nan ta puro show, nada di contenido”.

Andin: “Por a tuma nota cu e Minister Dowers ta campaña cu e palabra “duro”, pero e realidad amargo ta cu Dowers ta hopi zwak, paso e no a sa di a atende den 8 aňa como Minister cu e ola di criminalidad cu ta afectando nos isla.”.

Ainda ta fresco den nos memoria con e Minister a bay tuma vestnan di seguridad regalo for di un compania priva, confirmando asina cu den 8 aňa e no a cumpli cu su trabow di ekipa nos Cuerpo Policial manera debe ser.

Na momento cu partido POR drenta den gobernacion nos tin e Plan Vision 17-21 cla pa ehecuta. Lo duna debido atencion na nos Cuerpo Policial unda cu lo percura pa mas ekipo moderno, visibilidad y proteccion, mehora e comunicacion y relacion cu e comunidad, y duna informacion y conseho di kico e habitantenan y comercio por haci den cooperacion extenso cu Cuerpo Policial, pa evita cu nan ta bira victima di malhechornan. Lo subsidia sistemanan di alarma. Tambe lo mehora proteccion di nos costanan, pone iluminacion den areanan vulnerabel y mas vigilancia cu ayudo di radar y drones.

Mester frena e ola di criminaldad inmediatemete pa brinda nos ciudadanonan y bishitantenan e proteccion necesario y alavez salbaguardia nos turismo.

- Advertisement -

DUNA COMENTARIO

Please enter your comment!
Please enter your name here