Home Salud Bus di Salud ta un exito keto bay

Bus di Salud ta un exito keto bay

5
0
SHARE
- Advertisement -

ORANJESTAD(AAN): Monique van Embden ta directora di Ibisa y el a conta con ta bayendo cu bus di Salud. El a sigui splica cu e proyecto aki ta uno exitoso. Manera cualkier proyecto ta importante cu ta sigui monitorea con esey ta desaroya den comunidad.

Den e caso aki el a wordo ricibi hopi positivamente door di comunidad. Tambe e comunidad medico cu na comienso tambe a wak’e cu un wowo skeptico kico e bus di salud ta bay haci. Ta pesey a percura cu for di comienso pa haci bon palabracion cu e organisacion di dokternan di cas, HAVA.

A haci cierto palabracionnan di loke a constata na bus di salud, te na unda e tareanan ta permiti pa screen salud di hende. Esey tabata cla for di comienso y pesey tambe e bus ta un exito. Ta haci cierto midimento basico, manera esnan cu a bishita bus di salud, sa caba.

Ta midi haltura, peso, etc. presion, nivel di sucu, den cierto caso tambe colesterol. E ta duna un impresion con e salud di e individuo cu a bishita e bus di salud ta. A base di otro preguntanan cu ta haci riba su estilo di bida. Por ehempel con activo e ta, kico ta su custumbernan di come, ta duna un conseho. Hopi hende ta haci uzo di e bus di salud.

Ta importante pa monitorea con e proyecto ey ta desaroya y na e momentonan aki ta bezig pa wak na ki manera por mehora e servicio cu ta duna riba bus. Esey ta nifica tambe kico ta haci cu e datonan pa e persona mes por haci un miho uzo di dje y con por percura cu e datonan cu ta acumula, en general, no riba nomber di persona, pero riba cantidad di persona, con esey por contribui na maneho aki na Aruba, unda nos prioridadnan mester ta.

Ta procesonan cu ta andando na Ibisa. Riba dje tambe con por yuda mas hende den nos comunidad. Hopi biaha interesnan ta mas grandi cu locual por cope cun’e na e momento. Na ki manera por percura cu por duna mas hende servicio di bus di salud. Diferente cosnan ta andando.

Atrobe, segun van Embden, e punto principal ta, keda semper alerta, kico bo por mehora riba e bus di salud. Esey ta den proceso cun’e. Tin palabracionnan tambe cu Instituto Medico San Nicolas. Pronto lo tin e luna di November, caminda cu diabetes ta riba agenda.

Manera tur sa, diabetes ta un di e malesanan cu ta afecta nos comunidad hopi pisa mes. Hunto cu Imsan, kier wak con por duna un empuhe mas fuerte durante e luna eynan riba prevencion di diabetes y promocion di salud.

 

- Advertisement -

DUNA COMENTARIO

Please enter your comment!
Please enter your name here