Home Deporte Caredanan di Karting ariba e pista na Bushiri Speedway tabata cu hopi...

Caredanan di Karting ariba e pista na Bushiri Speedway tabata cu hopi emocion

38
0
SHARE
- Advertisement -

ORANJESTAD (AAN): Durante e fin di siman tras di lomba, tabata tin caredanan emocionante di Karting ariba e pista di Bushiri Speedway, caminda momento tras di momento, tabata bira cada biaha mas y mas emocionante. Nos a wak hopi cara nobo y sigur algo cu a hala hopi nos atencion tabata e presencia di Dito de Kort di hermana Isla di Curacao cu tabata di bishita na e pista, den compania di su yiu. Ta asina cu na hermana Isla di Curacao, e intencion ta grandi pa bolbe cuminsa practica e deporte aki di Karting y un di e personanan cu sigur ta hincando hopi tempo den esaki, ta nos amigo Dito de Kort y kende no ta corda Dito de Kort, famoso driver di Pro Stock na Curacao. Un otro persona cu sigur a hala hopi atencion, tabata esun di Orsolo cu ta un persona hopi reconoci pa su talento den e mundo di Karting y porcierto ta un di e personanan cu a logra di hiba titulo nan grandi pa loke ta trata World Cup di Karting. Despues a pasa na bira e persona encarga cu pit radio di Formula 1 y ta un Driving Caoch. Un mecanico hopi renombra pa equipo Brazilero y actualmente ta un di e grandinan na Miami pa loke ta trata e ramo aki. Team Peasch tin un amistad ya pa 3 aña caba cu e persona aki y ta mas cu claro cu su presencia aki na Aruba, ta yena nos di orguyo, ya cu no solamente e ta akinan pa mira con e funcion di e pista ta, pero tambe pa mira e driver nan cu por wordo incorpora den su equipo aya na Miami. Di biaha a probecha papia di e proximo evento caminda nos driver arubiano di Team Pasch lo ta compitiendo, cual ta bay bira e caredanan di 15 pa 19 October 2017 na Las Vegas Super National, caminda e grandinan lo ta topa otro y Aruba lo tin por lo menos te cu awor 1 driver den e competencia aki cu lo ta Mattew Peasch. Dos damita cu tabata tey tambe cu ta exterior ta Miranda cu a bini procedente di Hulanda y cu ya caba ta forma parti di e famia arubiano y porcierto tabata akinan pa mira di acerca kico e chassis nobo di David Forey ta logra di haci den e clima cu nos tin y hiba tur e informacion bek pa e fabrica aki na Hulanda y Valeria Carballo cu ta un coredor di Venezuela y cu ta uno cu a cuminsa den e categoria di baby y awendia ta coriendo den e categoria di Senior

Resultado Completo:

Tag Master 125

Myron Tromp

Elton Maduro

Kheilan Odor

Tag Senior 125

Matthew Peash

Kerwin Martines

Anthony Donker

King Kong

Matthew Peash

Elton Maduro

Junior Arends

Baby 50cc

Rj  Atenda

Hiagan Orman

Paul Edison Croes

Revan Pimienta

Tag Cadet 60cc

Cj Semeleer

Cinar Fradell

 

- Advertisement -

DUNA COMENTARIO

Please enter your comment!
Please enter your name here