Home General Caso di intento di mata lo sigui otro siman

Caso di intento di mata lo sigui otro siman

158
0
SHARE
- Advertisement -

ORANJESTAD   (AAN):  E caso penal cu Ministerio Publico a cuminsa contra e homber B., lo bay sigui otro siman 18 di Augustus 2017. Na Juni 2017 e sospechoso B. a presenta den Corte pero tratamento di e caso no a sigui.

PURBA MATA

E acusacion cu Fiscal a presenta contra B. ta cu riba 27 di November 2016, el a purba mata e homber G. E sospechoso B. no a presenta den Corte. Su abogado mr. Mohamed, a bisa Hues cu B. sa cu e caso lo no wordo trata y pesey e no a presenta.

CASO POSPONI

E motibo cu e caso no a wordo trata, ta pasobra e Hues tabata Hues Comisario durante e procedura di prolongacion di detencion di B.

A keda dicidi cu tratamento di e caso lo ta otro siman 18 Augustus pa 9’or di mainta.

SCUCHA TESTIGONAN

Abogado mr. Mohamed a bisa Hues cu e dos testigonan cu el a pidi pa scucha, te ainda esaki no a sosode.

E abogado a bisa Hues cu e testigonan no a wordo invita debidamente di parti di Ministerio Publico pa presenta dilanti Hues Comisario. Hues a bisa cu e ta manda e caso bek pa Hues Comisario cu instruccion pa scucha e testigonan.

Abogado a bisa Hues cu e ta haya importante pa scucha e testigonan aki cu lo por trece claridad den e caso serio aki.

Otro siman tratamento di e caso ta tuma lugar y DIARIO lo informa kico tur a sosode den sala di Corte.

Ta asina cu pa garantiza imparcialidad den tratamento di casonan penal, un Hues cu a fungi como Hues Comisario durante e procedura di prolongacion di detencion di un sospechoso, no por trata e caso penal.

Segun ley, un Hues cu no conoce nada di e caso, mester atende e caso a base di e documentonan cu el a haya y no cu ya caba den un of otro forma e lo a wordo influencia door di e procedura di prolongacion di detencion.

A yega di pasa mas biaha cu Hues ta bisa cu tratamento di e caso no por sigui pasobra el a atende e prolongacion di e sospechoso como Hues Comisario.

- Advertisement -

DUNA COMENTARIO

Please enter your comment!
Please enter your name here