Home General Celebridad di reality show The Real Housewives of Orange County a renova...

Celebridad di reality show The Real Housewives of Orange County a renova su voto matrimonial na Aruba

200
0
SHARE
- Advertisement -

ORANJESTAD    (AAN): Durante e magno evento di renovacion di voto matrimonial mas grandi di Caribe cu a tuma lugar na Aruba dia 8 di  Augustus pasa, Aruba a sa di haya atencion mundialmente un biaha mas; no solamente pa ta e anfitrion di dicho evento, pero door di e cantidad di influencers cu a forma parti di dje. Entre nan Tamra Judge, e tan conocido artista di e reality show cu ta ser presenta pa 9 temporada caba na Bravo TV, yama “Real Housewives of Orange County” hunto cu su pareha Eddie Judge.

Aunke e pareha tin unicamente 4 aña di felis bida matrimonial, nan a dicidi pa renova nan promesa di amor na otro durante un bunita ceremonia cu a tuma lugar riba Eagle Beach, como parti di e evento cu a ser organiza pa ATA. Amsterdam Manor Beach Resort tabata uno di e dos hotel cu a ser selecciona pa host e huesped special aki, unda cu diasabra 5 di Augustus nan a haya e oportunidad di disfruta di un cena diferente cu nan pia sunu riba e santo blanco, den e exotico restaurant ubica na Amsterdam Manor cual ta Passions on the Beach.

E celebridad acompaña pa su famia a hospeda na un di e tres Penthouse Suites cu ta un di e suitnan di mas grandi di e propiedad. Situa na e di dos piso di e hotel, ta conta cu dos camber y un balcon priva cu bista riba laman. Tamra & Eddie Judge tabata rodea pa e yiunan di Tamra, Sophia y Spencer Barney, y di e manera aki e famia completo a disfruta masha hopi di e gran evento di ATA, como tambe di e diferente actividadnan cu nan por a realiza durante nan stadia riba nos dushi isla.

- Advertisement -

DUNA COMENTARIO

Please enter your comment!
Please enter your name here