Home Deporte Centro Deportivo Libertador Betico Croes a haya un facelift nobo

Centro Deportivo Libertador Betico Croes a haya un facelift nobo

46
0
SHARE
- Advertisement -

ORANJESTAD (AAN): Den e cuadro di renovacion y mantencion di nos facilidadnan deportivo riba nos isla, St. Fundacion Lotto pa Deporte y un di su partnernan strategico Aruba Sport Unie a dicidi di uni pa asina duna un cara nobo na un acomodacion historico manera esun di Centro Deportivo Libertador Betico Croes. A pone un capa completamente nobo mientras e logo di Lotto y pronto esun di ASU cu porcierto lo ta celebrando nan di 65 aña di existencia pinta padilanti di e compleho ta ilustra e cooperacion mutuo cu ta existi entre e dos instancianan deportivo aki.

Segun presidente di St. Fundacion Lotto pa Deporte, Sr. Di Stefano Wernet RA e ta masha contento cu Lotto un bes mas ta yuda un di su partnernan strategico door di aporta den e caso aki na verf henter e edificio di Centro Deportivo Libertador Betico Croes na Sta Cruz.

“Cu orguyo nos di St. Fundacion Lotto pa Deporte a sera un joint venture cu un di nos business partnernan den deporte cu ta Aruba Sport Unie unda a inicia cu un proyecto di verfmento y asina duna e acomodacion deportivo historico un facelift nobo. Esaki tabata un plan cu pa basta tempo tabata riba planificacion y awo hunto a pone cen pa hasi e trabou nan necesario. E compleho aki ta uno cu ta wordo uza regularmente cu diferente actividadnan, e mantencion di e lugarnan aki ta costa hopi cen. Nos tin suficiente compleho deportivo na Aruba y nos mester uza nan mas y sigui mantene nan. Pero pa esaki bo mester tin cen y cada bez Lotto ta busca e moda financiero pa sigui aporta na deporte den su totalidad. Ta hasi un apelacion ta tur esnan envolvi pa stimula nos atletanan pa sigui practica deporte y alaves hasi bon uso di nos facilidadnan deportivo”, sr. Wernet a bisa.

Mester bisa cu Lotto awor ta ocupando nan mes cu un investigacion con pa hasi bon uso cq “upgrading” di nos complehonan deportivo, un structura unda e direccion mester ta miho cu e ta actualmente. Mas despues lo planifica pa e mantenimiento pa e parti paden di e acomodacion.

- Advertisement -

DUNA COMENTARIO

Please enter your comment!
Please enter your name here