ORANJESTAD (AAN): — Na Texas de Brazil, AMC Unicon a celebra e 25 aña di servicio di empleado Cesar Croes. Riba di 13 Augustus 2017 AMC Unicon a recorda cu 25 aña pasa Sr. Cesar Roberto Croes a drenta den servicio.
Sr. Croes a cuminsa traha como Magazijn Meester y actualmente Sr.Croes ta eherce e trabao di Unit Manager na e departamento di delivery y Magazijn. Sr.Croes ta conoci como un persona hopi responsabel y serio den su trabao. Sr Croes ta un persona cu semper ta yega trempan y e ta e ultimo cu ta sali for di su trabao.
E ta un persona cu semper ta coopera ora cu tin mester di dje y vooral na momento cu AMC Unicon tin actividad ariba lama semper e ta yuda cu su boto locual cu nan ta aprecia masha hopi pasobra e ta haci’e cu hopi gusto.
Sr. Cesar Croes y Señora Sandra hunto cu nan yiu Alexander y su Señora, Director Sr. Hans Mondria, Commercial Manager Sr. Rudy de Miranda y HR Manager Sra. Ellen Leo y mas dos colega cu a bay come na Texas de Brazil pa celebra e 25 aña di servicio.
Sr. Mondria, Director a haci entrega di e acostumbrado envelop y e plakaat recuerdo di su 25 aña cu AMC UNICON y mas un regalo.
