Home Cultura CHASKA pa prome biaha na Aruba

CHASKA pa prome biaha na Aruba

80
1
SHARE
- Advertisement -

Renaissance Aruba ta presenta un otro pop-up restaurant:

Un biahe culinario pa New Delhi, India

ORANJESTAD (aan)— Bo ta cla pa e siguiente pop-up? Renaissance Aruba Resort ta haci su maximo esfuerso pa continuamente sorprende su clientenan y den esaki alcansa parentesis culinario. E siguiente pop-up restaurant lo tin e tema di Indian Food; recetanan di India ta keda caracterisa pa nan ingredientenan spicy. Proximamente Renaissance Aruba Resort lo ofrece un balansa perfecto den recetanan autentico di India. No mester subi avion pa haci un biahe pa Mumbai, Banaras of New Delhi- tres di e ciudadnan culinario mas bishita na India, ya cu tur lo keda representa aki na Aruba!

Lo combina sabornan di New Delhi, Mumbai y Banaras cu experticio di e chefnan di Renaissance Aruba Resort pa presenta un pop-up restaurant diferente y yen di sason. Bishitantenan por spera platonan manera e.o Mutton Rogan Josh, Lamb stew, Goa Fish Curry, Chicken Tikka, Dal Makhani, Vegetables Jalfrezi, Berdura den diferente spice, Briyani (rice), with Chicken y with Vegetables.  Pa e persona cu ta prefera un sopi, tin Mulligatawny y Chicken soup. Finalisa e lunch of dinner cu algo diferente y zoet, purba un dessert netamente di India; por scoge entre Shani Tukda y Semiya Payasam. Si ta desea di come un ‘small bite’ por scoge entre Vegetarian Pakoras, Aloo Ki Tikki , Shami Kebab, Lamb Kebab, Amritsari Fish y Kathi Roll- por pidi esakinan komo aperitivo tambe.

Diabierna 25 y diasabra 26 di augustus proximo ex-Carpe Diem Restaurant lo ta e sitio na unda tur ‘food lover’ lo por experencia e miho recetanan di India.  Cuminsando pa 12’or di merdia te cu 10or di anochi, ‘Chaska’ lo habri pa sirbi lunch y dinner na e localidad di custumber, dilanti di Renaissance Mall na ex-Carpe Diem Restaurant. Lo bay tin musica bibo pa deleita tur presente. Un invitacion na tur amante di platonan diferente pa yega ex-Carpe Diem Restaurant y amplia bo horizonte culinario.

 

- Advertisement -

1 COMMENT

  1. AWEL ESEY TA UN GREAT NOTICIA YA CU E CUMINDA NAN INDIAN EMBERDAD TIN BON SABOR Y TAMBE NAN TA SPIECY PERO SALUDABLE
    MI POR BISA ESEY DI EXPERENCIA YA CU CAMINDA MI TA BIBA MI A COME CUMINDA INDIAN MANERA BIRYANI RICE ,TIKA MASALA,LAM KEBAB ,CHICKEN KEBAB ,MUTTON

    PABIEN Y EXITO NA E HOTEL
    Renaissance Aruba Resort

DUNA COMENTARIO

Please enter your comment!
Please enter your name here