ORANJESTAD (AAN): Servicio Meteorologico Aruba ta informa cu tempo pa loke ta diabierna anochi ta parcialmente nubla cu un awacero breve den marduga y diasabra parcialmente te temporalmente hopi nubla cu localmente algun awacero.
Temperatura maximo 34 grado celsius y temperatura minimo 26 grado celsius.
Pa diasabra mainta e biento lo ta for di noordoost te noord- noordoost, diasabra merdia y atardi: noordoost te noord, zwak te modera, forsa 2 te 4 (7 te 30 km/ora, 4 te 16 nudo)
Durante di dia of posible awacero basta fuerte te fuerte den rafaga; forsa 5 te 6 (31 te 50 km/ora, 17 te 27 nudo).
Situacion general di tempo: humedad den atmosfera regional lo aumenta den proximo 24 ora debi na tormenta tropical “Harvey” cu ta moviendo den area di Caribe. Pa e motibo aki por spera
temporalmente un cielo bastante nubla cu algun awacero cu chens pa lamper cu strena riba isla di Aruba.
Condicion di lama: olanan di lama lo ta for di direccion oost cu haltura di 4 te localmente 8 pia riba awanan habri na costa noordwest di nos isla. labaderanan modera for di oost ta yegando awanan regional.
Temperatura di superficie di lama: 28 grado celsius.
Sistemanan significante di weer tropical: tormenta tropical “Harvey” tabata situa na mas o menos 630 km oost di Curacao y 770 km oost di Aruba y ta moviendo west cu 33 km/ora.
E bientonan maximo rond di e centro ta di 65 km/ora. Servicio Meteorologico di Aruba ta emitiendo
boletinnan di informacion tocante e sistema aki.
Un area di mal tempo ta situa oost- noordoost di area di Caribe y ta moviendo west- noordwest. E sistema aki tin un chens medio grandi den proximo dia of 2 pa sigui desaroya y bira un ciclon tropical.
Pronostico di tempo pa fin di siman: parcialmente nubla cu localmente algun awacero. Biento lo ta for di direccion noordoost te zuidoost y modera te basta fuerte, den dia of posibel awacero de bes en cuando fuerte den rafaga; temperatura max / min lo ta: 34/28.
Ta bon pa informa cu te cu awor ningun “warning” a drenta na vigor pa nos isla pa loke ta e tormenta tropical “Harvey”.
