Home Comentario Combati pobreza ta depende mayormente di e persona mes

Combati pobreza ta depende mayormente di e persona mes

16
0
SHARE
- Advertisement -

Interesante analisis di Leonardo Girondella

ORANJESTAD (AAN) — Manera nos tur por a tuma nota, e diferente partidonan politico cu ta bay participa, dia 22 di September proximo den eleccion parlamentario, tin e tema di “combati pobreza” den nan programanan di gobernacion.

Esaki ta un issue semper, den tempo di campaña, na nivel mundial particularmente den America Latina y Caribe, pasobra ta paisnan unda cu e signonan di pobreza ta mas obvio, mas na bista publico.

Un escritor Mexicano yama Leonardo Girondella, a haci un analisis pa defini pobreza, y e ta menciona diferente tipo di pobreza. E ta bisa cu pobreza, den su diferente forma, tin caracteristicanan cu ta hacie “manehable” den sentido cu e por wordo acomoda na cualkier ideologia of activismo, y cu e ta increiblemente uza pa gobernantenan y mas ora nan tin agendanan politico pa hustifica.

Pa defini pobreza, segun su punto di bista, mester envolve diferente disciplina cientifico y social.

“Pobreza ta un situacion considera indeseable, pero reversible, cu ta wordo sufri pa un of mas persona y cu ta consisti di e posibilidad hopi abao of minimo di satisface necesidadnan basico cu recursonan genera pa e mesun persona of grupo” segun e autor.

E ta sali for di e punto di bista cu siendo e pobreza un estado indeseable, ta suppose cu mester tin varios manera pa solucione.

E ta pone bon cla cu esaki no kiermen e sentimentonan di compasion cu pobreza ta genera, sino e necesidad di bin cu solucionnan tangible y realizable. Un di nan otorga e persona, famia of grupo e hermentnan pa nan sali for di nan situacion di pobreza, sea real of door di negligencia.

Un manera pa haya datonan concreto ta haciendo un estudio social-cientifico cu por permiti agrupa e personanan pober pa studia nan caracteristicanan economico, educativo, social, etc.

Por saca afo di e relato aki cu pobreza ta e incapacidad cu e persona tin pa satisface riba su mes su necesidadnan manera: vivienda, alimentacion, educacion, salud y mas.

Girondella ta expresa algo cu a capta mi interes, mirando cu na Aruba nos gobierno ta bastante paternalista y esaki ta alivia di un banda, pero ta crea un precedente di otro banda: “Si locual ta crea e pobreza ta e incapacidad di un persona na crea e medionan pa resolve su situacion, e pobreza aki por wordo califica den externo y interno. E pobreza externo ta wordo alivia pa medio di subsidio, asistencia, donacion, obra di caridad di tercer persona. No obstante e raiz, di e problema, su origen ta sigui ta e incapacidad di e persona pa genera su propio medionan di subsistencia.

Esaki ta hiba nos admiti cu e pobreza tin tambe un motibo interno. Esey pasobra semper e lo keda dependiente di tercer persona pa obtene e medionan externo pa subsana su situacion di pobreza”.

Girondella hopi elocuentemente, ta señala cu mester siña e persona categoriza como pober pa empodera su mes pa e bira apto y suficiente pa genera su propio medionan di subsistencia. Cu otro palabra, e responsabilidad ta keda na e mesun persona pa produci e recursonan pa sali for di su situacion di pobreza, y no e paternalismo di un Gobierno ni di tercer persona. E medio di mas eficiente y eficaz pa logra esaki ta EDUCACION. Esaki ta e estimulo externo na cual tur persona tin derecho.

Claro e ta menciona pobreza extremo debi na gueranan, un regimen gubernamental cu ta corta e educacion pa un pueblo, impedimento fisico (cu no semper ta un obstaculo, tur cos ta depende di e persona mes y su actitud). Pero  hopi biaha e pobreza incluso extremo ta ocasiona pa falta di interes, flohera, negligencia di e persona mes cu ta frena cualkier esfuerzo di dje pa tuma un trabao.

Mi ta haya e posicion aki di Leonardo Girondella sumamente interesante y al caso, un bon guia pa haci un estudio profundo incluyendo aki na Aruba.

- Advertisement -

DUNA COMENTARIO

Please enter your comment!
Please enter your name here