Home Deporte Copa Aruba Teams den e deporte di tennis di mesa a inicia...

Copa Aruba Teams den e deporte di tennis di mesa a inicia cu nan di dos buelta

28
0
SHARE
- Advertisement -

ORANJESTAD (AAN): Den Luna di Mei Aruba Table Tennis Association a inicia cu e Copa Teams Aruba cu ta wordo hunga den team consisti di dos hungador. Mester bisa cu e weganan tur tabata riba un super bon nivel, unda nos hobennan ta resalta den forma impresionante den nan weganan hunga. Awor cu e vacacion escolar ta tras di lomba a continua cu e Copa Teams und a inicia cu e di dos buelta. E ekipo di Magic Angle a gana 3 – 0 di Omega Table Tennis, e ekipo di Jon Tai Aruba a gana 3 – 0 Dirksen Team, Hooters Table Tennis a gana 3 – 2 Power Pong, Mazuga Table Tennis a gana 3 – 1 di Mario’s Sport Shop, Hooters a gana 3 – 0 a Dragon CD, Jon Tai Aruba a gana 3 – 0 di Dragon CD, Power Pong a gana 3 – 0 di Omega Table Tennis. Standing: 1. Magic Angle cu 9 gana 0 perdi , 2. Mazuga Table Tennis 8 gana 1 perdi,  3. Jontai Aruba 7 gana 2 perdi, 4. Mario’s Sport Shop 5 gana 4 perdi, 5. Hooters 4 gana 5 perdi, 6. Dragon CD . 4 gana 5 perdi, 7. Power Pong 3 gana 6 perdi , 8. APA Master. 2 gana 7 perdi , 9. Omega Table Tennis 1 gana 8 perdi y 10. Dirksen Team 0 gana 9 perdi

Den e ultimo añanan e deporte di tennis di mesa a conoce un desaroyo positivo caminda principalmente e seleccion hubenil di tennis di mesa ta presta den gran forma logrando premio sigur den nos region y continente tanto individual y colectivo. E dos logronan mas grandi den 2017 sin duda ta e di dos lugar conkista pa e atleta Chingho Chung den e Caribbean Table Tennis Championship na Georgetown, Guyana como tambe e clasificacion di Senior Panamericano conkista na Cuba.

Un danki sigur na Lotto, e Loteria di Aruba pa medio di Comision di Subsidio cu a yuda subsidia e torneo di Copa Aruba Teams 2017.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here