Home Deporte Cuater Atleta a viaha pa Argentina pa haya un preparacion mas intensivo

Cuater Atleta a viaha pa Argentina pa haya un preparacion mas intensivo

38
0
SHARE
- Advertisement -

ORANJESTAD (AAN): Como preparacion pa e Weganan Sur Americano Hubenil 2017 cu lo tuma lugar dentro di un luna na e ciudad Santiago capital di Chile, e federacion di tennis a manda cuater atleta prospecto atende un campeonato di entrenamento di nivel halto na Argentina. E cuater atletanan aki tabata Patrick y Frederick Sydow, Evelyanne Kelly y Kayla Solagnier cu bou guia di entrenador di e seleccion Claudio Martinez a haya un preparacion mas intensivo na Argentina. Mester bisa  cu e atletanan prospecto aki tin hopi luna di preparacion tras di lomba pa asina ta den e miho forma posibel pa e weganan Odesur hubenil.

E cuater tenista nan aki ya tin nan experiencia internacional cu varios torneo hunga. Nan logronan den e region di Caribe ta resalta sigur den e categoria masculino unda na aña 2015, e seleccion masculino tabata triunfante den e competencia Junior Davis Cup Pre-Qualifying Central American & Caribbean Zone cu a tuma luga na El Salvador. Tabata pa prome biaha cu nos tenista nan a logra gana e premio maximo desde nos participacion cu a cuminsa na 1985. Tambe e tenista femenino Kayla Solagnier a luci y conoce un tremendo aña 2016 unda e la titula campeon den e Open Tennis Championship na Corsow.

Un danki sigur na Lotto, e Loteria di Aruba pa medio di Comision di Subsidio cu a yuda subsidia e viahe di e tenista nan Patrick y Frederick Sydow, Evelyanne Kelly y Kayla Solagnier pa e campo di entrenamento na Argentina.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e comision di subsidio.

- Advertisement -

DUNA COMENTARIO

Please enter your comment!
Please enter your name here