Home Policial Cuerpo Policial a rechaza vestnan di seguridad cu a wordo entrega door...

Cuerpo Policial a rechaza vestnan di seguridad cu a wordo entrega door di 24ora.com

944
0
SHARE
- Advertisement -

ORANJESTAD (AAN): Riba diaranzon 10 di augustus 2017 Korpschef di Polis a tuma nota di un noticia/informe relaciona cu un cantidad di vest di seguridad cu lo a ser entrega na varios miembronan di Cuerpo Policial Aruba door di un agencia di noticia (den e caso aki 24ora.com). Como Korpschef di Polis mi no tabata na haltura di esaki. E noticia aki a causa cierto reaccion for di varios ciudadano pero  principalmente di hopi miembro di polis mes.

Como Korpschef di Polis, mi ta di opinion cu specialmente durante un temporada asina dificil manera den un aña di election politico nos como Cuerpo tin cu evita cu por tin duda den nos imparcialidad. Como Korpschef semper un di mi prioridadnan ta e seguridad di nos coleganan. Como tal semper nos a traha hunto cu diferente partnernan strategico pa yega na mas fondo y material pa e Cuerpo por funciona optimal y na un manera safe. Pa nos e ta importante pa mantene e confianza di tur persona den e comunidad. Nos imparcialidad no mag di wordo cuestiona ‘at all’ pa asina nos por sigui goza di e confianza ey.

Nos di Cuerpo Policial ta gradici sinceramente e gesto di solidaridad pa cu nos Cuerpo pero mester rechaza esaki respetuosamente pa no tin duda den nos objetividad. Den e mesun rosea nos kier informa cu ya caba tin un cargamento di vestnan di seguridad na caminda cu pronto lo wordo entrega na nos miembronan. Nos kier sigura nos comunidad cu nan por tin confianza absoluto den e imparcialidad di nos Cuerpo.

Atentamente,

A.E. Richardson

Alto Comisario di Polis

- Advertisement -

DUNA COMENTARIO

Please enter your comment!
Please enter your name here