Home General Curpa sin bida, 2 persona deteni ademas di bulto cu arma y...

Curpa sin bida, 2 persona deteni ademas di bulto cu arma y droga haya na Parke Arikok

1475
0
SHARE
- Advertisement -

ORANJESTAD     (AAN):   Diabierna mainta tempran, 7:50 am, a drenta un alarma na Central di Polis indicando cu na Parke Arikok tabata tin un “dropping”.

Ora cu Patruya di Polis a yega nan a bin topa cu un persona di habla spaño y un rato despues a bin haya un otro persona na Boca Druif bao di baranca cu no por a move, Vocero di Polis, Lito Lacle a duna di conoce.

El a agrega cu pa medio di asistencia di Cuerpo di Bombero a logra saca e persona y un rato despues den e becindario mes a haya un bulto yena cu marihuana, dos revolver y un shotgun.

Mesora e dos personanan aki a wordo deteni.

Segun Lacle, 11:42 am a drenta informe na Centrale Post cu un curpa sin bida a wordo haya. Na e sitio a pidi presencia di docter pa constata morto di e persona.

Vocero di Polis a a laga sa cu awo mas cu nunca mester ta atento pasobra e situacion na Venezuela ta un time-bomb cu ta den explota y prome cu explota mester ta prepara.

Pa cu esaki mester tin tur e leynan cla pa implementa y e materialnan tecnologico “in place” pa ta prepara, a bisa.

El a sigui bisa cu Warda Costa tin 24/7 dos boto trahando pa purba preveni cu via lama personanan por drenta nos isla. “Nos tin cu keda ta creativo, keda move den nos strategia pa impedi esaki”.

Na Corsow, tabata tin un boto cu 26 ilegal cu a wordo intercepta y e personanan aki a wordo deteni. Na Aruba tambe mester cuminza defini strategianan y bin cu otro tacticanan pa purba impedi e entrada di ileganan y di criminalnan, a señala.

 

 

 

- Advertisement -

DUNA COMENTARIO

Please enter your comment!
Please enter your name here