Home Enseñanza Deseo pa bay studia den exterior ta trece su retonan

Deseo pa bay studia den exterior ta trece su retonan

30
0
SHARE
- Advertisement -

ORANJESTAD  (AAN): Un otro di e situacionnan cu tin pa loke ta enseñansa ta cu hopi di e muchanan ta bisa cu e placa ta trata pa yega. Tur aña ta tende di e version aki. E hobennan ta bay studia y nan kier prepara nan mes. E placa ta tarda pa pasa.

Segun Minister Michelle Hooyboer-Winklaar, ta un proceso complica. Si ta bon, ta conoci tur aña manera e aña escolar termina, ta te final of comienso di Juni, ta cuminsa haya kico ta e resultadonan di e examen. Mester warda te tweede tijdvak pa por haci herexamen, etc., pa por tin un lista final y informacion cu a ricibi for di Directie Onderwijs, esnan cu ta maneha esaki, ta cu studiantenan ta tarda pa manda e documentonan cu ta onderbouw cu nan a slaag, nan a wordo acepta na cualkier otro scol cu nan ta bayendo y diferente papel cu tambe mester manda y tanten cu e no ta completo, Directie Onderwijs no por sigui traha riba dje.

Esey ta hunga un factor. E aña aki tambe tabata tin problema na Directie Financien cu nan server. Esey tambe tabata tin un tardansa. Cada aña ta wak sigur e ta trece su retonan. E departamentonan concerni ta haci nan best pa por logra facilita e studiantenan cu nan prestamo mas tempran posibel pa nan por cuminsa prepara.

 

Grupo cu a keda atras

Lamentablemente un grupo a keda atras. E mes tabata na aeropuerto pa dispidi di nan. Despues a scucha cu tabata tin un delay chikito, pero en fin e tabata un delay basta largo di varios ora, door cu e avion mes a daña, cu consecuencia cu nan no por a haya e avion di KLM na Corsou.

Na momento cu esaki a tuma luga, di biaha personanan na aeropuerto, conhuntamente cu esnan di KLM y conhuntamente cu esnan di Directie Onderwijs a traha incansablemente pa por haya wak kico y con lihe por pone e studiantenan aki riba e siguiente vuelo y ta te diaranson, a haya confirmacion cu tin un espacio riba un vuelo cu ta bay via Panama, cu e ora eynan nan tin un ticket forma cu esey.

Obviamente tur e diferente procesonan cu mester a tuma luga tambe na Arubahuis, pa por reorganisa e parti di opvang cu ta esencial na e momento cu e studiantenan aki yega.

For di diamars tin gruponan hopi grandi cu a keda traha na e ministerio pa yuda facilita un situacion cu sigur, den gran parti ta fuera di nan alcanse, pero sigur pa nan ta sumamente importante pa por sigura cu e studiantenan aki yega y cu nan no wordo afecta y ta haya e mesun trato cu mas hopi posibel cu e otro studiantenan cu a bay den comienso di siman.

 

 

- Advertisement -

DUNA COMENTARIO

Please enter your comment!
Please enter your name here