Home Policial Detencion marduga banda di Bar den Madiki

Detencion marduga banda di Bar den Madiki

1291
0
SHARE
- Advertisement -

ORANJESTAD    (AAN): Diabierna marduga e famoso Nightclub den Driemasterstraat conoci como BarABar tabata den noticia atrobe. Esey tabata pasa di 4or di marduga. A drenta melding cu tin un homber cortico arma dilanti di e bar. Polisnan a bay na e sitio cu varios unidad. Na yegada a topa cu e homber. E no ta local. El a cuminsa purba core pa Polis y aki a cuminsa un persecusion. Den un caya no mucho leu a logra gara e persona aki.

Polis a logra pone na tera y pone boei na su man. A haye cu un arma di candela color preto. Tambe a confisca un telefon cellular y basta droga cu e tabata tin riba dje. E tabata expresa su mes den forma menazante contra e polisnan. A cuminsa un investigacion pa mas sospechoso cu tambe por tabata arma. Un di nan ta un fugitivo busca pa husticia.

Cuerpo tecnico a wordo yama pa presenta na e sitio unda e prome detencion a cay cu arma di candela y droga. Mientrastanto e Polisnan a sigui cu nan investigacion.  Na mesun orarionan tambe recherche Oranjestad a hasi zoeking na un cas na Madiki. Nan tabata en busca di un sospechoso busca pa husticia J. H. pa un caso di tiramento.

Na e cas a bin encontra varios artículo entre otro un brommer procedente di ladronicia, 5 ilegal Venezolano. No a encontra e sospechoso na e cas mes pero a bin detene na un otro cas den Ponton. E 5 ilegalnan a wordo deteni pa mensenhandel/ Mensensmokkel y a transporta pa warda pa mas investigacion.

Na e zoeking aki tambe fiscal tabata presente. E Polisnan a tene masha na cuenta e menazanan y expresion di e prome sospechoso deteni y cu a wordo haya cu arma di candela den su poder.

- Advertisement -

DUNA COMENTARIO

Please enter your comment!
Please enter your name here