Home General Diaranzon cuminza trabao di basha abao ex-Bushiri Hotel School

Diaranzon cuminza trabao di basha abao ex-Bushiri Hotel School

124
0
SHARE
- Advertisement -

 

ORANJESTAD (AAN) – Ing. Marlon Croes, director di DOW, a elabora den entrevista cu Matutino DIARIO, tocante e accion cu a tuma lugar Diaranzon mainta, cu trabaonan di basha abao ex-Bushiri Hotel School.

Esaki tabata necesario despues cu tabata tin un proyecto cu un posible desaroyador pero cu no a concretiza y e propiedad a bay den estado completo di abandono pa varios aña.

Un comision a wordo lanta consistiendo di varios departamento concerni di Gobierno, manera Direccion di Finanza, DIP, DOW, Departamento Huridico, entre otro, pa tuma un decision definitivo despues di combersacionnan entre e instancianan aki y gobierno.

E instancianan aki a analiza e situacion di e edificio y a duna conseho na Gobierno despues di a analiza e aspectonan tecnico, financiero, potencialidad di e area. E conseho tabata pa basha e edificio abao prome cu e lo a bira un problema mas grandi pa Aruba.

E contratista lo bay cera full e propiedad di Bushiri ya cu tin basta material di asbesto den e area, y esaki ta rekeri di traha un plan di seguridad y salud. Esaki lo ta den man di Departamento di Salubridad, DOW y e contratista. Nan a cuminza ayera cu basha abao e murayanan unda no tin asbesto y e partinan mas facil manera haci limpi e tereno. E lo costa poco mas di 100 mil florin pa realiza e trabao aki, Ing. Croes a duna di conoce, y e ta encera 55 dia di trabao. El a agrega tambe pa loke ta seguridad a envolve DTI.

 

 

- Advertisement -

DUNA COMENTARIO

Please enter your comment!
Please enter your name here