Home General Directora di DIMAS: Diferente control mester tuma lugar pa por haya...

Directora di DIMAS: Diferente control mester tuma lugar pa por haya un permiso

129
1
SHARE
- Advertisement -

ORANJESTAD    (AAN): Kathy Paskel directora di DIMAS,  a splica cu e proceso tin diferente stap cu ta tuma ora di procesa permisonan. Actualmente dimas no ta full gelink na e departamentonan. Tin cierto checks ta tuma su tempo prome cu haya un contesta. Tur esey, cu cooperacion cu nan tin cu e otro dienstnan, ta cabando bon. Ta spera cu esey por bay na un forma mas vlot y eficiente, si nan ta comunica cu otro na un manera digital. Den un termino corto ta mira cu esey ta realisa y materialisa tambe.

 

Ta cumpli

Apesar cu tin biaha mester manda e informacion, mester pa notifica nan pasobra for di delanta nan mester entrega esaki. Segun Paskel, riba nan website nan tin nan lista di rekisito. E cliente sa di delanta kico ta spera di dje na momento cu e emiti un peticion pa un permiso. Sin e documentonan aki no lo tum’e den tramite. Esey ta e prome stap. Fuera di esey ta haci e checksnan pa wak cu loke nan a entrega ta corecto y nan ta crosscheck esaki cu otro fuentenan di Gobierno.

 

Documentonan di regreso

Dimas tin basta peticion tambe di Venezuela y prome peticionnan. A haya hopi di nan cu no tur por valida cu e documento di conducta ta na ordo. Esey ta un di e motibonan tambe cu ta nenga. Pero tambe tin otro motibonan. Si e dunado di trabao por ehempel ta pidi pa un empleado domestico y no por comproba cu e tin entrada of e vivienda adecua pa e hende. Asina ta haci diferente checks. E afwijzingspercentage ta na 12% di e total di peticionnan cu tin aden.

 

 

- Advertisement -

1 COMMENT

  1. Ki ta para cu e persona nan cu a paga un hende pa handel nan permiso e nan nunka a manda nan papel nan pa permiso e bai cu nan placa? Tur e tempo e victima nan ta kere nan permiso ta bin cla. Ki lo por hasi pa nan?

DUNA COMENTARIO

Please enter your comment!
Please enter your name here