Home Beyeza Diseñador Arubano, Ronchi De Cuba, ta lanza linea nobo SOLOBYRONCHI

Diseñador Arubano, Ronchi De Cuba, ta lanza linea nobo SOLOBYRONCHI

86
0
SHARE
- Advertisement -

Un linea cu personalidad Arubano y estilo Caribe Chic

ORANJESTAD    (AAN):  Recientemente Ronchi De Cuba a lanza su “retail collection” yama
SOLOBYRONCHI.  Un coleccion cu sigur ta representa e caracteristicanan di bida ariba un isla.  Ciolor, corte y estilo sigur ta factornan primordial di e coleccion aki.  Mester remarca cu e unico caminda na mundo cu por encontra e piezanan aki ta na TRASH Store.

Telanan liviano cu estampadonan atractivo pa e ser femenino di tur size ta algun di e aspectonan mas atractivo di e marca nobo aki.  E ideologia tras di un “brand” cu ta netamente moda di Aruba y ta representa bida alegra ariba un isla, especialmente Aruba, ta uno cu Ronchi kier a mantene firme den e “branding” di SOLOBYRONCHI.

“Mi a diseña SOLO pa e hende muher audaz cu ta gusta experimenta cu color y estampado.  Un estetica femenino sigur ta un must pa cualquier coleccion of brand cu mi realisa.  SOLO sigur tin e caribbean charm” ta locual diseñador Ronchi De Cuba a duna di conoce.  E linea nobo aki ta uno exclusivo pa TRASH Store.  Esaki ta significa cu por cumpra SOLO solamente na TRASH.  Un concepto cu ta distingui mas ainda e boutique for di otronan y tambe ta duna un “edge” mirando cu e brand aki bo no por encontra niun otro caminda na mundo.

“Nos ta realisa 4 di cada diseño.  Esaki ta significa cu di cada design. den un estampado of color particular, tin solamente 4 na mundo” Ronchi ta informa.  “Esaki no ta hasi ningun diferencia si ariba e prijs di e coleccion mirando cu e ta un retail brand y mester ta na alcance di un y tur” ta locual Ronchi a informa.

- Advertisement -

DUNA COMENTARIO

Please enter your comment!
Please enter your name here