Dos mucha di apenas 9 y 13 aña cu bivakmuts deteni cu arma falso

ORANJESTAD     (AAN):  Dialuna atardi un patruya pasando den Laurens Costerstraat a wak 2 persona cu bivakmuts y arma di candela den man bulando cura y drenta mondi.

Mesora, e polisnan a bay over pa sigui tras di e dos persona aki y detene nan. A resulta di ta dos mucha homber di apenas 9 y 13 aña.

Nan a wordo deteni y den nan poder tabatin 3 pistool cu a resulta di no tabata di berdad. (Nep vuurwapen) Nan a wordo deteni y wordo hiba Warda di Oranjestad unda cu nan ta aworaki pendiente di mas investigacion.

E dos mucha hombernan a comete destruccion y purba horta den un percela den Laurens Costerstraat.