Home Politica Eleccion electoral 2017 ta conta cu participacion di 9 partido politico

Eleccion electoral 2017 ta conta cu participacion di 9 partido politico

824
0
SHARE
- Advertisement -

 

ORANJESTAD (AAN)-  Aunke quizas tabata tin hopi mas cu tambe kier tabata ariba un di e listanan pa eleccion dia 22 di September venidero, na ultima ora a keda solamente 212 persona cu a ofrece nan mes pa participa na e eleccion electoral 2017.

Apesar cu expectativanan tabata halto for di dianan promer pa e dia di ayera cu tabata dia di entrega lista di tur e partidonan cu lo bay participa na eleccion 2017, e dia aki a bay sumamente trankil.  Por a compronde si cu e anochi prome, esta Diahuebs anochi tabata tin partidonan cu e trahamento di lista no a bay facil y tabata tin un que otro rabiamento, pero asina mes e partidonan a keda cla cu nan lista laat den anochi pa a entregue ayera na e Conseho Electoral.  Y manera ta conoci ayera  tabata un dia historico un biaha mas caminda un total di 10 partido a entrega lista pa eleccion dia 22 di September 2017. For di mainta tempran polis tabata tin cayanan cera den cercania di Stadhuis pa asina pa pone seguridad pa tur cos bay na orden. Parti mainta tabata tin e partidonan chiquito cu a entrega nan lista y e entregamento di lista a bay hopi trankil. Tabata tin bastante polis ariba caya pa mantene seguridad tur caminda.

E prome partido cu a entrega su lista tabata partido MAS cu a bin cu 8 candidato. Partido MAS ta un partido nobo cu e aña aki ta prome biaha cu e ta bay eleccion. E candidatonan ariba lista ta personanan conoci den comunidad y manera Sr. Holmo Henriquez kende ta lider di partido a bisa cu e tin confianza den su candidatonan pa e eleccion.

-Partido MAS mester firma pa sostene e partido pa eleccion.

E di dos partido cu a entrega lista na partido RED, Red Democratico. Lidera e aña aki pa Sr. Ricardo Croes nan a bay entrega nan lista cu 10 candidato pa e eleccion 2017. Na aña 2013 e partido aki a wordo lidera pa Rudy Lampe pero e aña aki a dicidi cu Sr. Ricardo Croes lo bay ta number 1 y por mira tambe cu mayoria di esnan cu tabata riba lista 4 aña pasa no tey mas y awor tin candidatonan nobo ariba e lista.

Partido CURPA, lidera pa Sra. Christina Lampe tabata e di tres partido cu a entrega lista. Partido AVP cu tabata programa pa entrega lista entre 10.30 pa 11’or no a entrega nan lista, ya cu nan a avisa anteriormente cu nan lo entrega nan lista pa 3.30 di atardi.

Despues di un break chiquito ya cu partido AVP y UPP no a entrega nan lista na e ora stipula, partido Abo, Aruba su Bienestar Organisacion a yega Stadhuis pa entrega nan listra. Partido ABO tin 10 candidato riba lista y pa e lider di partido Sr. Li A Tjam e ta contento cu e personanan aki ya cu nan ta personanan cu no tin miedo y sin buya.

Partido Abo tambe a entrega nan lista cu 10 candidato y a expresa cu nan

Partido PPA/UPP a sigui despues den un caravana chiquito pa asina nan yega Stadhuis pa nan entrega nan lista. Partido PPA/UPP lo tin 10 persona ariba lista.

Partido MEP a yega den vecindario di Stadhuis cu un multitud bastante grandi y mester a coordina pa asina e simpatizantenan para na banda y candidatonan por a reuni hunto pa drenta Stadhuis.  Partido MEP a entrega un lista di 29 candidato caminda tin caranan cu ya caba tabata riba lista den eleccionnan anterior y tambe a presenta varios cara nobo pa e eleccion aki.

Sr. Otmar Oduber cu un cara masha sonriente ya cu e aña aki e mes ta liderando un partido, a yega Stadhuis pa asina entrega su lista di candidatonan pa partido POR. Sr. Oduber hunto cu Sr. Andin Bikker despues di a entrega e lista a bisa cu nan ta masha contento con tur cos a bay y nan ta cla pa traha pa e pais aki.

Como sorpresa dos candidato di partido RAIZ a yega riba bicicleta pa asina bay entrega nan lista. Partido RAIZ a entrega un lista di 5 candidato di cual nan ta personanan conoci den comunidad.

Por ultimo e partido AVP a bay entrega nan lista y mester bisa cu tabata tin un aglomeracion enorme den e cayanan pa asina nan yega  Stadhuis.  Partido AVP apesar cu nan mester a entrega nan lista pa 10.30 di mainta manera programa riba lista a dicidi cu nan ta entrega nan lista di ultimo y nan a logra hacie na tempo.

Mester bisa cu e dia a bay uno hopi trankil, caminda tur partido politico a entrega nan lista y tur cos a bay na un manera bunita y trankilo. Awor ta sigui e proceso pa firmamento di lista pa esnan cu ta pa prome biaha den eleccion.

- Advertisement -

DUNA COMENTARIO

Please enter your comment!
Please enter your name here