Home General “Family Vacation Critic” a reconoce Aruba Marriott Resort como un di e...

“Family Vacation Critic” a reconoce Aruba Marriott Resort como un di e miho hotelnan pa famia den 2017

114
0
SHARE
- Advertisement -

ORANJESTAD    (AAN):   Recientemente Aruba Marriott Resort a wordo reconoci door di Family Vacation Critic – Tripadvisor su family travel site, como un di e miho hotelnan pa famia den 2017.

Segun Family Vacation Critic, tur hotel reconoci door di Family Vacation Critic a wordo selecciona specificamente como un hotel special pa famianan hospeda. Cada hotel ta wordo evalua a base di comodidadnan cu nan ta ofrece di interes pa famianan – di equipo pa baby  pa Wi-Fi complimentario – y cada lista por wordo filtra pa edad pa asina haja e hotel mas apropia pa cada grupo di edad. Mas di 750 hotel a wordo nombra como ‘2017 Family Vacation Critic Favorites’, cual ta representa e top 6% di hotelnan riba e website di Family Vacatin Critic.

Family Vacation Critic® ta un recurso integral di biahe online specialmente pa famianan y ta ofrece comentarionan di hotelnan di famia, resortnan y destinacionnan. Ademas e website ta ofrece ideanan pa vakantie, tips pa biahe di famia y online forum pa famianan biahando. Family Vacation Critic ta wordo publica por medio di The Independent Traveler, Inc, un subsidario di TripAdvisor, Inc.

Aruba Marriott Resort ta sumamente contento cu e reconocimento aki como cu e ta demostra con bon e resort ta satisface huésped di tur edad.

- Advertisement -

DUNA COMENTARIO

Please enter your comment!
Please enter your name here