Home Social Fundacion Pro Famia Feliz cu anochi di informacion pa Encuentro Conyugal

Fundacion Pro Famia Feliz cu anochi di informacion pa Encuentro Conyugal

24
0
SHARE
- Advertisement -

ORANJESTAD    (AAN):  Awe Diabierna 18 di augustus 2017, Fundacion Pro Famia Feliz lo tin un anochi di informacion pa e Encuentro Conyugal cu lo tuma lugar e fin di siman di 1-2-3 di september 2017.  E anochi di informacion aki lo ta pa 7:45 di anochi y lo tuma lugar na Centro Pastoral Aruba na Santa Cruz.

Encuentro Conyugal ta un fin di siman unda un pareha lo tin e oportunidad, den un ambiente trankil y PRIVA, por profundiza nan mes den nan bida conyugal. Cada pareha lo tin e oportunidad pa den TUR PRIVACIDAD dialoga riba e futuro di nan relacion, pa fortifica y/of mehora nan comunicacion y confianza mutuo, riba e futuro di nan yiunan, entre otro.  Den nos bida di awor, casi no tin tempo pa pareha-nan dialoga cu otro. Motibo: Tempo!

Den e fin di siman aki, nos como pareha ta traha tempo pa nos por dialoga. E dialogo aki ta tuma lugar den tur privacidad cu bo pareha.  NO TIN DISCUSION DEN GRUPO.  Aunke Encuentro Conyugal ta di Iglesia Catolico, e ta habri pa tur pareha cu tin otro religion. Nos ta invita TUR pareha, especialmente esnan cu ta casa pa Civil y no a haya ningun preparacion matrimonial, pa asisti na un Encuentro Conyugal.

E esencia principal di un fin di siman di Encuentro Conyugal ta pa repasa e diferente aspectonan di bida cu un pareha cu ta biba hunto bou di e mesun dak por pasa aden y kier comparti nan bida hunto pa semper. Mas y mas pareha, conciente cu un famia UNI ta un famia FELIZ, ta asistiendo na un Encuentro Conyugal teniendo un bon relacion pa cu otro.

Hopi Pareha a bira conciente cu no mester warda pa ora problemanan surgi pa atende un Encuentro Conyugal. Pareha-nan cu a atende un Encuentro Conyugal den pasado, a expresa cu e programa aki a laga nan bira un pareha mas conciente di e balor di comunicacion y confianza tanto entre nan como pareha, como den nan seno familiar y tambe na nan trabao.

E programa di Encuentro Conyugal aki a trece hopi paz, felicidad y harmonia den hogar di hopi pareha. Tin pareha cu tin esaki-nan caba, pero den encuentro a haya informacion valioso con pa mantene y/of mehora nan relacion. Encuentro Conyugal ta pa tur pareha cu ta desea PAZ, FELICIDAD Y ARMONIA den nan cas y esnan cu tin esey caba, con pa mantene y/of  mehore.

Tur pareha interesa pa sa kico ta un Encuentro Conyugal, tur pareha cu ya a tuma contact cu nos caba, pero tambe tur pareha cu ya ta forma un famia y especialmente esnan cu ta bai casa den Señor y tin cu asisti na un Encuentro Conyugal, ta keda cordialmente invita na e anochi di informacion aki.

Tambe por duna informacion personalmente/priva. Pa mas informacion y/of con pa asisti na e anochi di informacion aki, por yama: 593-2211; 592-3162; 594-1381 of tambe via fpffaruba@yahoo.com

- Advertisement -

DUNA COMENTARIO

Please enter your comment!
Please enter your name here