Home Deporte Grupo Avanse a gana diferente medaya na Colombia

Grupo Avanse a gana diferente medaya na Colombia

122
0
SHARE
- Advertisement -

ORANJESTAD    (AAN) : E grupo di Avanse a bay representa Aruba na Colombia unda cu nan a logra diferente premio. Minister di Salud Publico, Cuido di Nos Grandinan y Deporte, Dr. Carlos A. Schwengle a tene un encuentro cu nan unda el a mustra di tabata orguyoso di nan logronan.

E grupo di Avanse a bay competi na Colombia den gymnasia artistico, cual esaki tabata e nivel di mas halto cu nan a competi na e momentonan aki. E atletanan a bay full bon prepara y nan a logra mas di loke nan mes a spera. Grupo Avanse a logra medayanan di oro, plata y brons, unda cu diferente atleta a logra esaki.

Prome cu e competencia grupo Avanse a train cu e team nacional di gymnasia di Colombia y esaki Minister Schwengle a haya ta algo sumamente bon. Ministerio di Deporte hunto cu COA ta stimulando e grupo y ta mirando cu si por bin acuerdo entre e team di gymnasia di Colombia pa asina nan por yega hunto y train. Esaki lo yuda cu e atletanan di Avanse lo train riba un nivel mas halto di e team di Colombia, unda cu e Avanse por siña di nan y eleva na nan nivel.

Minister Schwengle ta sumamente contento mescos cu  e team di Avanse mes cu  ta super contento cu nan logro. “Mi ta felicita e coachnan, e federacion di gymnasia di Aruba, e mayornan y tur cu a contribui pa asina e muchanan yega eynan”, el a bisa orguyosamente. Pero mas cu tur un pabien grandi na e muchanan pa nan disciplina y perseverancia. Cu ayudo di Lotto, Comision Subsidio, COA y tur boluntario cu ta yuda nos atletanan lo sigui subi di  nivel cu nan ta actualmente.

 

 

- Advertisement -

DUNA COMENTARIO

Please enter your comment!
Please enter your name here