Home General Grupo di 7 a bay protesta dilanti Hospital nobo pa mustra cu...

Grupo di 7 a bay protesta dilanti Hospital nobo pa mustra cu e ta un proyecto corupto

240
0
SHARE
- Advertisement -

ORANJESTAD (AAN): Manera ta conoci, riba Diamars mainta tabatin chens pa publico en general bay mira e edificio nobo di Hospital.

E mainta aki, e conocido Rocky Kelly y Grupo di 7 a presenta na Hospital tambe, no pa atende e “Open House”, pero mas bien pa demostra nan malcontento pa cu e proyecto di Hospital, y a bin cu nan borchinan di protesta.  Pero nan a worde prohibi door di e security.

E grupo di 7 a haya cooperacion di e securitynan, pero despues esakinan ta yama Polis pa e grupo aki pa ora cu a informa nan cu nan no tin e competencia (bevoegdheid) pa para nan.

Segun Sr. Kelly, polisnan a bin ta zwaai cu nan kinsena y ta papia na un manera fresco cu nan. Ora cu e colonianan bibando aki na Aruba ta manifesta, polis no ta haci nan nada. E grupo di 7 a dicidi di protesta tambe pa prensa Hulandes, caminda cu na Corsou nan a paga 330 miyon pa un Hospital mas grandi cu esun di Aruba, mientras cu esun di Aruba ainda falta e camber di operacion cu lo costa 10 miyon a keda den solamente palabracion ya cu nunca mas a reuni ariba e tema aki den Parlamento.  Pa e motibo ey nan a bin protesta.

Segun Kelly, Hospital a organiza un “Open House” pa pueblo, y nan tambe ta forma parti di publico, pero lo unico diferencia ta cu nan a dicidi di para na banda.

Grupo 7 ta forma di diferente simpatizantenan di diferente partidonan, diferente credo y religion.   Nan ta bisa cu nan ta bringa principalmente contra Inhusticia, y ta lucha pa progreso di e.o. muchanan di Casa Cuna. Nan ta bringa tambe loke a haci cu Hospital, cu ta parce un bunker, sin ningun clase di arkitectura Caribense.

E edificio nobo por worde compara cu un bunker unda ta warda municion, no mas cu e edificio di hospital tin bentana.

Rocky Kelly a dicidi compara e edificio nobo di Hospital cu e edificio di SVb, esta cu esun di Hospital tin ningun arkitectura mientras cu esaki si ta e caso di e edificio di SVb.

Ademas di esaki, Rocky Kelly a duna su opinion riba algo cu a hala su atencion.  El a mustra cu e cylindernan di e test di betonnan no ta bon coordina, den su opinion como betontechnoloog y DOW mester core nan tras pa esaki.

E edificio a worde traha na un luga masha straño, nan no ta papia di e retraso di e proyecto, den otro palabra no tin transparencia. Mescos cu na Aruba ta papia di inflacion, tur cos a bira caro na Aruba y placa no ta yega. Pero e gobierno aki no ta papia di inflacion mes.
Pesey Grupo di 7 a dicidi di bay protesta na Hospital y asina demostra Hulanda y mundo henter, cu e proyecto di Hospital ta un proyecto corupto.

 

- Advertisement -

DUNA COMENTARIO

Please enter your comment!
Please enter your name here