Home Enseñanza Grupo di studiante a keda Aruba pa motibo di cancelacion di vuelo

Grupo di studiante a keda Aruba pa motibo di cancelacion di vuelo

202
0
SHARE
- Advertisement -

ORANJESTAD   (AAN): Mientras cu mayoria di e studiantenan a yega Hulanda, tin un grupo chikito di hoben cu ainda ta na Aruba, mientras cu nan mester ta na Hulanda, preparando nan mes pa nan estudio. Te awe nan ta na Aruba. Nan a yega aeropuerto, pero no a yega pa conecta cu KLM pa sigui pa Hulanda. Esaki tin un motibo.

Sue Anne Kelly ta conta di e problemanan cu nan tin y kico a pasa. E ta ilustra cu e problema ta cu nan a perde vuelo di Insel Air. Esaki a wordo cancela. Awo nan tin cu bay haci tur cos riba nan mes, mirando cu nan a perde opvang na Hulanda.

E hobennan mester a bay di Aruba pa Corsou cu Insel Air y di Corsou pa Hulanda cu KLM. Pero pa motibo di restraso of avion a daña, e studiantenan mester a yega dos ora laat. Pa e momento ey a perde KLM. Kiermen KLM no ta bay warda nan. E ora ey tur cos a wordo cancela.

Esnan di Insel Air no ta duna nan oido. Nan no tabata tey tampoco. Ta e hendenan di GenAir tabata eynan purbando di regla e problema di Insel Air. Ta nan toch a purba di bisa e studiantenan pa nan keda Aruba, pasobra tal cos a pasa.

Nicole de Cuba ta un otro studiante cu a pasa den mesun situacion hunto cu e grupo di     hoben. Diaranzon nochi nan a logra haya un meeting. Un representante di prome minister y tambe di directie onderwijs, hunto cu Minister Juan David Yrausquin, a haya informe di nan mal contento cu Insel Air, a puntra kico lo pasa cu e opvang na Hulanda, y si nan ta haya algun vergoeding, mirando cu nan lo ta bulando via Panama, cual ta 7 ora. Nan no a haya ningun contesta, di loke a pasa. Nan a wordo bisa cu nan lo bay cas y cu nan lo wordo yama. Esey tabata loke a trece dilanti.

Diahuebs mainta nan lo tin un vuelo di Aruba pa Panama. Djey nan ta warda 7 ora y djey sali cu KLM pa Hulanda.

 

Scol

En principio nan scol ta cuminsa entrante 1 di September, pero mester regla tur cos ainda, esta, cas, buki, schoolgeld. Contract cu telefon, contract pa tur cos ainda, schrijf in. Tin hopi pa bay y den poco tempo.

 

Directie Onderwijs

Na prome instante Directie Onderwijs a cumpli door di cumpra nan ticket. Sinembargo nan tabata sa. Ora cu e studiantenan a pone presion, e ora nan a haya sa cu nan no a bay. Hopi di nan a post riba facebook cu nan a yega bon Hulanda, mientras cu e grupo aki a keda atras.

 

13 Studiante

Dos studiante a boek riba nan mes y a biaha caba. 1 di nan ta menor y diasabra lo ta biahando su so cu un vuelo directo pa Hulanda. Y e resto di 9 nan lo bula pa Panama, djey pa Hulanda.

 

- Advertisement -

DUNA COMENTARIO

Please enter your comment!
Please enter your name here