Home Politica Hipólito “Eddy” Ras, Candidato #7 POR

Hipólito “Eddy” Ras, Candidato #7 POR

12
0
SHARE
- Advertisement -

Mester ta consciente cu e demanda pa mas scolnan aki na Aruba lo trese retonan financiero y cambio den prioridadnan di gobierno

A base di rapport di CBS por mira cu e poblacion di Aruba a crece di aña 1991 pa 2010 cu 52 %. Na aña 1991 Aruba tawata ta tin un comunidad di 66.687 habitante y na 2010 101.484 habitante. Tres region cu di 1991 pa 2010 a bin ta crece mas den cantidad di habitante ta region di:

  • Noord / Tanki Leendert cu 214 %.
  • Paradera cu 94 %.
  • Savaneta cu 58 %.

Den un comunicado di Censo na maart 2016, a bin dilanti cu na Aruba tin 119044 habitante registra. Cual cu ta señala cu di 2010 pa maart 2016, poblacion di Aruba a crece cu 17%.

Den un comunicado directora di SKOA ta trece dilanti cu mirando e situacion cu SKOA tin como 200 mucha pa drenta MAVO ciclo basico 1, y esey kiermen cu otro aña e 200 muchanan aki lo move pa ciclo basico 2, y esey ta bira un MAVO Scol. Esey ta nifica cu SKOA mester cuminsa cu e proceso pa pidi pa un MAVO Scol nobo.

A base di cifranan cu por a wordo acumula di e rapportnan di enseñansa, ta bin dilanti cu region di Noord / Tanki Leendert tin un averahe di 600 pa 700 alumno cu ta acudi na un MAVO. Esaki ta presenta un porcentahe entre 20 pa 22 % di Aruba su alumnonan cu ta bay un MAVO. Y entre 550 pa 590 alumno cu ta acudi na un HAVO / VWO. Esaki ta presenta un porcentahe entre 24 pa 26 % di Aruba su alumnonan cu ta bay un HAVO / VWO. Cual cu señala cu tin un demanda pa un MAVO / HAVO / VWO na region di Noord / Tanki Leendert.

Region di Paradera y Savaneta tin un averahe di 50 % di alumno cu ta bay un scol basico den otro region. Cual cu ta señala cu tur dos region tin demanda pa un scol basico.

Aserca SKOA ta señala cu tin precupacion di kleuterschoolnan na e region di Playa, Paradera y Noord. Cual cu ta indica cu mester di 3 kleuterschool mas. Un otro precupacion ta e falta di docente cu tambe ta un reto cada aña escolar. Unda ta busca docente di Hulanda, pero e docentenan aki ta bin pa un tempo corto.

Pa medio di un comunicado CBA ta señala cu e debe di gobierno na fin di September 2016 a crece te na Afl. 4.172,1 miyon, of 87,3 porciento di e GDP (entrada di gobierno) di Aruba. Actualmente CFT a trece dilanti cu pa falta di cumplimento den e prome kwartaal di e presupuesto di 2017, e situacion financiero ta preocupante. Cual cu ta hasi cu e espacio financiero pa traha riba mas scol ta un reto. Pa mehora e situacion di finanzas publico mester traha riba financiero-economico.

Pa mehora e economia y mehora entrada, POR lo:

  • Expande turismo cu e fast ferry entre Aruba, Boneiro y Corsou.
  • Introduci e curason di Fourth Industrial Revolution, cual ta pasa riba tecnologia moderno.

 

Pa traha riba finansas publico POR ta enfoca riba:

  • Refinanciamento di e debe nacional.
  • Reduci e cantidad di minister y colaboradornan.
  • Reorganisa nos aparato gubernamental.
  • Elimina mal uzo y malgastamento di fondonan publico.
  • Reforma y reforsa organonan di conseho y control.

E otro reto cu cada aña escolar tin e preocupacion di docente disponibel, POR lo introduci un pronostico laboral. Pa medio di colaboracion entre departamento di labor y enseñansa, por informa e hobennan ora di scoge un estudio den cua ramo ta bay tin mester di personal. A base di un pronostico laboral por cuminsa minimalisa e precupacion cu ta bay tin falta di docente. Asina por conscientisa e hobennan cu den enseñansa ta bay tin empleo y den cua materia.

Tanto scolnan nobo y mas docente ta bay tin nan peso riba finanzas publico. Esaki ta duna di conoce cu enseñansa su prioridad lo ta bay un efecto grandi den e presupuesto. Cual cu ta hasi cu prioridad di gobierno mester cambia y pone mas antencion y inverti den enseñansa.

- Advertisement -

DUNA COMENTARIO

Please enter your comment!
Please enter your name here