Home Suceso Hoben Arubiano di 15 aña perdi na Hulanda

Hoben Arubiano di 15 aña perdi na Hulanda

6018
0
SHARE
— Buscando Axel Croes di 15 aña.
- Advertisement -

ORANJESTAD (AAN): E hoben Axel di Aruba, ta perdi desde Diamars na Hulanda.  Y famianan na Aruba ta wordo manda di cashi pa muraya, mirando e hecho cu nan no ta hayando cooperacion di instancianan na Hulanda.

E hoben Axel Regimar Rudolf Croes ta conoci como “Alex”.  El a nace na Aruba dia 31 Juli 2002, pues apenas tin 15 aña di edad.

Na Hulanda, e tabata den man y custodia di “Gecertificeerde Instelling”.  Antes esaki tabata conoci como Jeugdbescherming.

Pero el a wordo mira eynan ultimo biaha riba Diamars 29 di Augustus.  E institucion a bati alarma, y autoridad Hulandes aparentemente a bishita diferente cas di famia na Hulanda mes, pa check si Alex ta scondi.

Pero no a haya nada, y esaki ta preocupa famianan na Aruba.

A bin haya sa pa colmo, cu e mama mes no a wordo notifica cu su yiu ta perdi.  Ta via di famia, e mama a haya sa cu Axel ta perdi.  Famianan ta mustra cu ningun instancia no kier duna informacion di e motibo, ni di e paradero di e hoben.

Nan ta disgusta cu e Instancia mes no a tuma e molester di yama e mama pa informe tocante su yiu.  Pesey lectornan di DIARIO Online ta ser pidi pa ken cu por sa paradero di Axel Regimar Rudolf Croes, pa contact Rotterdam Politie of Vlaardingen Politie.

- Advertisement -

DUNA COMENTARIO

Please enter your comment!
Please enter your name here