Home Labor Hobennan ta mas cu bon bini pa acudi na Expo Labor 2017...

Hobennan ta mas cu bon bini pa acudi na Expo Labor 2017 diasabra awo

9
0
SHARE
- Advertisement -

ORANJESTAD(AAN): Ta bay tin un Expo Labor. Departamento di Asuntonan Social a saca un comunicado. Glenda Hernandez, kende ta directora di Departamento di Asuntonan Social, a splica cu Expo Labor ta un iniciativa di e ministerio di Asuntonan Social, di Hubentud y di Labor cu ta wordo organisa anualmente.

Ta organisa un encuentro entre hendenan cu ta duna e dunadornan di trabao y e hendenan cu ta buscando trabao. Hendenan cu ta buscando sea informacion riba ki sorto di educacion, ki sorto di ofishi nan ta pidi, ki sorto di educacion nan por haya. Ta un sorto di mercadeo entre demanda y oferta.

Hernandez a sigui splica cu nan tin clientenan di bijstand. Ta pidi nan cu ta tambe inscribi na DPL pa acudi na e Expo Labor 2017, pa bin wak ki sorto di posibilidad nan tin pa trabao. Tin 30 pa 40 empresa, companianan cu ta bin cu cierto ofishinan cu nan ta pidi, cierto demandanan personal.

Ta haci un yamada riba e hendenan aki pa nan acudi riba e dia aki. Bin informa bo mes y wak kico ta e posibilidadnan. Sea activo, wak kico e dia aki por brinda bo. E dia aki ta tuma luga na Renaissance Convention Center, dia 19 di Augustus, esta diasabra awo, for di 9’or di mainta pa 7’or di anochi. E ta un oportunidad unico pa bo haya diferente compania y locual nan ta pidi na personal.

Tambe kier haci un yamada pa hobennan cu a caba scol y ta den bijstand y no tin un trabao, pa acudi na e dia aki pasobra cu e grupo di hobennan ta esunnan cu actualmente ta duna hopi preocupacion con e desaroyo ta bayendo. Ta haya cu e cifranan di desempleo bao di e hobennan ta bastante halto.

Un di e mas halto den e region. Tambe por mira cu hopi mucha no ta caba nan scol secundario. Esey ta hopi preocupante. Si wak cu pa bo drenta y participa den e mercado laboral, tin cu cuminsa tempran. Drenta aden riba e mercado. E ta duna hopi oportunidad. E ta duna hopi satisfaccion personal pa por aporta pa e comunidad den forma di un trabao

E strategia awor aki ta di diferente manera. Esaki ta un di e maneranan cu por capta nan atencion. Ta spera cu e hobennan por bin acudi na e oportunidad aki. Un otro strategia cu nan ta uza ta cu den corto plazo, kier cuminsa cu un proyecto pa hobennan pariba di brug, unda cu a selecta 20 hoben cu ta den bijstand cu ta wak cu tin hopi potencial.

Locual cu kier haci ta, ora cu DAS, hunto cu DAO y DPL, guia e muchanan. Wak pa cuminsa kico nan tin di aporta riba e tereno laboral, kico por yuda nan cu un ofishi of cu un opleiding, con por motiva nan pa subi pa un trabao y lo mas principal, con pa wanta un trabao.

Hopi biaha esey ta e problema, con bo ta wanta e trabao, con bo ta coach un persona pa keda na un trabao, un hoben en todo caso. Kier cuminsa cu algo concreto. Ta cuminsa cu mucha hombernan prome den bijstand, pasobra esey ta un di e problemanan mas grandi.

Si tur cos bay bon, kier sigui despues p’abao di brug, den Oranjestad y vecindario. Kier bay haci e proyecto aki y coach e hobennan aki pa un trabao.

 

- Advertisement -

DUNA COMENTARIO

Please enter your comment!
Please enter your name here