Home General Hues a ordena Fiscal pa laga investiga posibel prueba di tiro riba...

Hues a ordena Fiscal pa laga investiga posibel prueba di tiro riba man di sospechoso

109
0
SHARE
- Advertisement -

ORANJESTAD (AAN):  Manera DIARIO a publica, ayera mainta e sospechoso di asesinato di e homber Quach, esta e Canades M.G., a presenta den Corte.

CASO POSPONI

E acusacion cu Fiscal a presenta contra M.G. ta cu riba 1 Mei 2017, internacional y premedita a asesina e homber Quach, Aziatico/Canades, na Jaburibari. Tambe Fiscal ta acusa M.G. di posecion di arma di candela.

Despues di a lesa e acusacionnan, Fiscal a bisa cu e caso ta pro forma pasobra ainda e procesverbaal oficial no ta cla. Hues a bay check e schedule di Corte y a bisa cu dia 20 October pa 10’or di mainta lo por trata e caso.

ABOGADO KIER MAS INVESTIGACION

E abogado mr. Faarup a bisa Hues cu el a pidi pa haci investigacion di prueba di tiro ariba mannan di e sospechoso pero te ainda esey no a sosode, siendo cu a tuma muestra di e mannan. Fiscal a reacciona riba peticion di abogado mustrando cu basta tempo a pasa.

E abogado a remarca cu e arma a pasa di man pa man y ta haya cu por bien ta cu door laba man un parti di e polvora di tiro por a kita for di e mannan pero esey no ta kita afor cu por haci e prueba.

El a bisa Hues cu e mesun dia di e incidente, a detene M.G. y otro tres persona y Polis a tuma muestra e mesun dia.

Na opinion di mr. Faarup, ta di escencial importancia pa haci e investigacion. E ta haya cu esaki ta forma parti pa haya claridad den e caso. Tin mas sospechoso cu tambe a wordo interoga. Haya cu lo ta bon pa NFI haci investigacion.

E abogado a remarca cu Fiscal ta basa su mes riba declaracion di dos ruman contra su cliente pero e abogado ta haya cu mester trece claridad den henter e caso aki. Si ora haci e investigacion di polvora y haya esaki riba man di e otronan tambe, esey ta mustra cu otro por a tira y ta tira culpa riba M.G.

MESTER HACI INVESTIGACION

Hues a bisa e abogado cu ta awor e ta tende di e peticion aki. E abogado a bisa Hues cu e asunto aki ta andando pa algun tempo caba.

Hues a pospone e caso pa bay pensa un rato y ora el a bolbe el a bisa cu e ta haya e ponencia di abogado hustifica.

Hues a instrui Fiscal pa laga NFI (Instituto Forence na Hulanda) investiga e muestra di polvora riba e mannan di e sospechosonan. Hues a pospone e caso pa dia 20 October 2017.

 

- Advertisement -

DUNA COMENTARIO

Please enter your comment!
Please enter your name here