Home Salud Interes pa e trabao como enfermero ta abou y no ta atractivo...

Interes pa e trabao como enfermero ta abou y no ta atractivo pa nos hobennan

10
0
SHARE
- Advertisement -

ORANJESTAD(AAN): E interes pa e trabao como enfermero no tey localmente. Segun Gina Maduro di ABV, bao di nos hubentud, e trabao aki no ta atractivo. Si mira e muchanan cu bay studia afo, ta bay tur diferente otro direccion, liber di zorg. Mundialmente tin un scarsedad.

E ta un vocacion, un roeping, bo mester ta yama pa haci’e. Pa placa bo no ta haci’e pasobra e miho paga e no ta tampoco. Poco poco ABV ta traha riba e beneficionan secundario, vooral e orarionan nocturno cu nan ta bezig ta drecha, cu nan kier mira e mehoracion pa asina stimula e hendenan pa traha 24/7.

Un hospital cu a bira chikito

Segun Gina Maduro, ta claramente cu pa hopi aña e hospital a bira hopi chikito. Pa departamento di emergencia e flow a bira asina halto, cu e espacio cu tin awor aki, no ta pas pa e poblacion mas awendia. Y esey ta conta riba afdeling tambe. Ta contento si cu tin un ampliacion, cu tin un edificio nobo, pero kier wak e manpowerplanning tambe. No cu e ta bira un spookhuis, unda cu bo tin un departamento grandi, pero bo tin cu cera mita afdeling pasobra bo no tin personal p’e. Esey ta e otro parti, cu ta spera cu por mira e manpowerplanning mas pronto posibel pa bay wak con lihe por bay over eyden.

Buscando claridad

Maduro a comenta cu nan tabata sinta. Na comienso e tabata bay bon. Tin contacto, tabata bay tuma buelta, tin contacto cu bouwcommissie. Pero ultimo lunanan e contacto a manera los for di otro. No a haya mucho informacion. Tin cu bisa cu por ehempel, dos siman pasa, prensa mes a wordo invita pa e entregamento di yabi. Ta den prensa ABV a tuma nota di esaki. Nan mes no tabata sa. Pero sa si cu ta streef pa muda mas lihe posibel den e nieuwbouw. Pero kier mira e manpowerplanning prome cu bay muda y kier wak e parti di siguridad prome.

Miembronan ta contento, pero….

E miembronan ta contento cu e proyecto, pero imagina un renobacion di un hospital operando y construccion pega. E tabata tin su retonan, e desordo, e stof. E verhuismento cada biaha. Esey tabata e fastioso si cu tur mester a pasa aden. Full un proceso cu cada biaha tabata tin verhuizing. Tabata tin hopi desordo, aunke cu nan a purba pa stroba e actividadnan di hospital menos posibel. Tabata tin afdeling cu tabata keha di problema cu airco, ta calor, zonido, stof, etc. Pero e tabata tin su retonan. Esey tabata den e fase na comienso. Awor cu OK wordo construi, nan lo bay sinti otro efectonan atrobe.

Renobacion di e hospital bieu

Awor aki ta bay tin efectonan. Prome tabata tin e efectonan pafo di e edificio, pasobra nan ta trahando uno nobo. Awo ta bay tin’e paden mes. Lo bay experencia tur eseynan atrobe.

Comprension

Maduro a splica cu mester tin comprension pa basta tempo no solamente di personal, pero di e pashent, bishitantenan, etc. Como pashent nan lo kier rust, pero no sa cuanto nan lo bay haya den tur e construccion aki.

 

- Advertisement -

DUNA COMENTARIO

Please enter your comment!
Please enter your name here