Home General Jeugd Rode Kruis Aruba bon representa na Caribbean Youth Camp and Forum...

Jeugd Rode Kruis Aruba bon representa na Caribbean Youth Camp and Forum 2017

27
0
SHARE
- Advertisement -

 

ORANJESTAD   (AAN) − Recientemente Jeugd Rode Kruis Aruba a biaha pa Suriname pa participa na un kamp organiza pa Red Cross Caribbean Youth Forum. A biaha un grupo di 10 miembro di JRK y 2 lider. E kamp aki tabata consisti di topiconan manera: Vulnerability Capacity Assessments (VCA training), Prevencion di Candela, HIV, Hygiene Personal y Disaster Management. Na e kamp aki tambe a participa gruponan di Jeugd Rode Kruis di St. Lucia, St. Vincent, Monserrat, Trinidad & Tobago y Guyana. Henter e kamp a wordo duna pa instructornan di Francia, Suriname, Nicaragua, Costa Rica y Hulanda. Lidernan for di Aruba, Gilbert Flanegin a participa na e curso “Youth as Youth Leader” y Jeanette Baiz a obtene su certificado di “Peer Educator”.

Entre un total di 45 participante y 6 pais, Aruba a sali e mihor delegacion di e kamp y  JRK Aaron Rafael a obtene e titulo di “Mihor Participante Masculino”. E kamp aki a wordo organiza den naturalesa di Suriname cu a brinda e hobennan aki un experiencia unico.

Jeugd Rode Kruis Aruba y Cruz Cora Aruba kier gradici un y tur cu a colabora di un of otro manera pa haci e biahe aki posibel.

- Advertisement -

DUNA COMENTARIO

Please enter your comment!
Please enter your name here