Home Tempo Kico ta temporada di awacero y temporada di calor

Kico ta temporada di awacero y temporada di calor

36
0
SHARE
- Advertisement -

Segun Meteo

ORANJESTAD (AAN)- Departamento di Meteo den un boletin pa prensa a splica kico ta nifica e temporada di awacero y temporada di calor.

E temperatura promedio di Aruba pa luna di Juli tabata riba normal; 29.4 riba 28.6 cu ta e normal. Pa awacero e cantidad di 43.0 mm di luna di Juli tabata poco mas halto cu esun normal cu ta 31.7 mm. E valor di biento ta mescos cu esun normal cu ta 16 kt (nudo).

 

EXPECTATIVANAN PA CLIMA DI ARUBA:

Pa e periodo Augustus- September- October (ASO) y November- December te Januari (NDJ) 2018: El Niño Southern Oscillation (ENSO) ta manteniendo su mes na e limitenan di fase neutraal te na un evento ENSO zwak (+0.5°C). Modelnan ta sugeri anomalianan di temperatura cu lo keda levemente positivo pa e periodo ASO y NDJ; esaki lo faborece fase neutraal te un evento zwak.

E actual fase neutraal di ENSO lo tin poco influencia riba temperatura y yobida den region. Den un caso no mucho probable di un evento El Niño sinembargo, ta spera un tempo mas seco cu menos awacero extremo den parti zuid y oost di region.

Probabilidadnan ta na favor di condicionan di mas calor y menos actividad di horcan cu normal den e ultimo parti di temporada di horcan di Atlantico.

 

EXPECTATIVANAN PA YOBIDA NA ARUBA:

Mientras nos ta haciendo e cambio di epoca seco pa epoca di yobida* nos no ta observa preocupacion pa secura den region local. Pa e region en general un alerta pa secura a wordu emiti pa e parti central di Bahamas y un aviso pa secura a wordu emiti pa Haiti, ambos te cu October.

*Epoca di yobida di Aruba ta di September/October te cu Januari

Pa e periodo ASO: Yobida 75% normal te riba normal

Pa e periodo NDJ: Yobida  80% normal te riba normal

 

EXPECTATIVANAN  DI TEMPERATURA PA ARUBA:

Pa e periodo ASO: temperaturanan 85% probabilidad di ta normal te riba normal durante di dia

Temperatura minimo lo ta 80% probabilidad di ta normal te riba normal durante di anochi.

Pa e period NDJ: probabilidad di 80% di ta normal durante di dia.

Temperatura minimo lo tin un probabilidad di 80% di ta normal durante di anochi.

*Epoca di calor pa Aruba ta di Mei te November.

 

TEMPORADA DI HORCAN DI ATLANTICO 2017:

Temporada di horcan di Atlantico (AHS) ta di 1 di juni te 30 di November. Normaalmente nos ta mira 12 tormenta, 6 horcan y 2 horcan fuerte. Un adaptacion reciente di e pronostico di CSU* ta mustra valornan mas halto cu normal caminda ta spera 16 tormenta, di cual ya nos a haya 7, 8 horcan y 3 horcan fuerte.

*CSU= Colorado State University

**Ta wordu recorda na residentenan cu solamente 1 horcan cu yega tera por hasi e temporada di horcan uno activo pa nan. Pa e motibo aki mester prepara mes un manera tur temporada sin importa e pronostico di actividad ciclonico  cu a wordu duna.

 

- Advertisement -

DUNA COMENTARIO

Please enter your comment!
Please enter your name here