Home Cultura Loke Mario Vargas Llosa a conta tocante Omar Torrijos

Loke Mario Vargas Llosa a conta tocante Omar Torrijos

71
0
SHARE
- Advertisement -

Na caminda pa 40 aniversario firma Tratados Torrijos- Carter

General Omar Torrijos a expresa: “Den e fondo locual tabata alimenta e speranza den e homber Panameño y tabata fortalece su pasenshi, durante tur e añanan aki, ta su firme conviccion cu e pueblo Norteamericano no tin vocacion colonialista, pasobra boso tabata un colonia y a lucha heroicamente pa su liberacion.

“Nos ta considera, Señor Presidente Carter ora di hisa e moralidad como bandera di nos relacionnan, ta representando e berdaderamente e spirito di boso pueblo”.

Discurso di Omar Torrijos durante e ceremonia di e firma di e Tratadonan Torrijos-Carter, dia 7 di September 1977.

VARGAS LLOSA ta conta:

Den e marco di cooperacion cu Fundacion Omar Torrijos Carter, na Panama, Matutino DIARIO ta sigui cu e serie di articulonan informativo, cu lo culmina dia 7 di September, dia cu Panama ta celebra e di 40 aniversario di a firma e tratadonan Torrijos-Carter, cu a devolve e pais su Canal di Panama: un base economico clave pa Panama, America Latina y Caribe.

E otro Omar:

“E otro Omar Torrijos Herrera”, un publicacion den e medio Critica na 2016, a compila expresionnan di varios personalidad mundialmente reconoci, tocante Omar Torrijos Herrera. Awe nos ta transcribi kico Vargas Llosa a conta di dje.

VARGAS LLOSA:

E escritor Peruano, mundialmente reconoci y Premio Nobel di Literatura, Mario Vargas Llosa, tambe a comparti cu Omar Torrijos varios ora di dialogo, debate, polemica y analisis. Nan encuentronan generalmente ta tuma lugar den e Playa di Farallon, den e Provincia di Cocle.

Vargas Llosa a conta cu un siman prome cu e partida fisico di Omar, nan a reuni precisamente den e mesun lugar aki. Aki Omar a informe cu e tabata firmemente dicidi na retira di e ehercito y di e poder publico, pero e gran drama tabata cu e ciudadanonan no tabata kere den esaki ni un tiki.

Tambe don Omar a revela na dje cu tabata si necesidad pa “sconde” pa asina e autoridadnan nobo lo por a asumi su rol y resolve e problemanan publico.

Cu un sonrisa na su rostro, Vargas LLosa a recorda e carcahada sonoro di don Omar, ora el a conta cu den ocasionnan e tabata sconde asina bon, cu ni e mes tabata na unda, realmente, e tabata. Vargas Llosa a conclui cu, ironicamente, un siman despues di e combersacion ameno aki, Torrijos lo a sconde pa semper di esnan cu tabata buske ora cu si e avion den cual e tabata biaha, un FAP 205, a cay bayendo pa Cocleisto, su tera stima, y e bida di don Omar a termina.

Den nos siguiente edicion nos lo menciona un par di expresion mas di algun famoso, cu a conoce e gran general Omar Torrijos di acerca.

Danki pa e bon acogida cu e articulonan aki ta hayando cerca diferente lector, cu ta dune un gran valor educativo-informativo. Y claro, danki na Fundacion Omar Torrijos Herrera y su director Lic. Guillermo Villalobos- Sole, pa su valioso aporte pa nos por traha den e simbiosis aki.

Grupo di turista Panameño na Aruba:

Aki ta bunita pa menciona, como nota di redaccion, cu diaranzon y diahuebs, por a mira cada bez un grupo di Panameño cu a bishita nos Isla como turista Crusero. Nan a subi bus y por a scucha nan gabando e limpieza cu nan a nota den nos ciudad y ora nan a wordo puntra di unda nan ta, nan a bisa cu di Panama. Bon bini na Aruba!

 

- Advertisement -

DUNA COMENTARIO

Please enter your comment!
Please enter your name here