Home Deporte Lotto ta felicita Arubox cu nan tremendo gala di boxeo internacional

Lotto ta felicita Arubox cu nan tremendo gala di boxeo internacional

44
0
SHARE
- Advertisement -

ORANJESTAD (AAN): Recientemente Arubox a tene un gala boxistico internacional cu a conoce un participacion di peleadornan di Venezuela. Mester bisa cu e fanaticonan a mira algun bon pelea den Centro Deportivo Betico Croes. Un total di 10 combate di nivel tanto local como internacional por a ser presencia pa publico presente cu sigur a disfruta di un bon show boxistico. Pa loke ta e resultadonan final nos tin cu bisa cu Richie Genao (Jefferson Boxing Gym) Israel Nunes de Souza (Byerlite Boxing Gym) Joandrik Maduro (Dojo Illidge) Gilbert Yarzagaray (Byerlite) François Maduro (Abel Boxing) Enrique de Cuba (Ernesto Boxing Gym) a gana e peleanan local mientras tabata tin un pelea di exhibicion den femenino entre Iliandra Kock y Vanessa Carty.

E peleanan internacional Aruba contra di Venezuela nos por bisa cu Reiker Guevara di Venezuela ta gana Jethro St. Fleur di Aruba, mientras cu Alrick Tromp di Aruba ta gana David Calderon di Venezuela y por ultimo Joase Arcon di Venezuela ta gana Jeanmarc Howell di Aruba.

E deporte di boxeo ta organiza sigur un tres evento grandi pa aña na Aruba unda nos boxdo nan local tin e oportunidad di bringa contra atletanan internacional, principalmente den nos region. Esaki sin duda ta un bon experiencia pa asina midi nos di nivel di boxeo compara cu esnan internacional. Pa e motibo aki tambe Lotto ta duna su contribucion maximo na sostene e federacion di Arubox pa asina nan por sigui engrandece e deporte di boxeo amateur na Aruba.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e comision di subsidio.

- Advertisement -

DUNA COMENTARIO

Please enter your comment!
Please enter your name here