Home Turismo Love Festival 2017 lo ta na November e aña aki

Love Festival 2017 lo ta na November e aña aki

34
0
SHARE
- Advertisement -

ORANJESTAD (AAN) – Srta. Nicole Rodriguez, e cara nobo di Love Festival 2017, y e ta masha contento cu el a wordo scogi pa haya e honor aki.

El ta contento tambe cu atravez di festivalnan asina aki Aruba ta treciendo un cambio den musica y den media y tur cos.

El a duna di conoce cu e festival ta bay ta di 1 pa 5 di November. E biaha aki e festival ta dura cinco dia y e ta algo diferente pasobra ta bay envolve naturaleza y den cuadro di esaki lo tin un actividad na lama.

Ta bay tin fiesta na beach, un den boto, dos den Renaissance y un na Hard Café. Tambe lo tin presentacion cultural carnavalesco pa asina tanto localnan como turistanan por disfruta di e evento aki. Ademas lo tin un area di cuminda cu hopi variacion, fuera di pintamento di cara y otro entretenimento, pa un y tur goza di dje.

Seguidamente e Service Tourism Manager di Oficina di Turismo di Aruba a hiba palabra, y a bisa cu e Love Festival 2017 ta di sumo interes pa ATA, door cu nan a pidi e organizadornan pa pensa den un concepto ampliando riba locual nan tabata tin caba, y brinda e publico mas y diferente experencianan cu nan kier tin.

Tambe a pidi pa move e festival di Juli pa November, pa motibo cu den e luna aki hopi acomodacion ta yen caba, pero na November si tin lugar pa un festival tuma lugar. E concepto di Love Festival ta mas gusta pa ATA pasobra e ta mas chikito y tin diferente experencianan cu den un festival mas grandi.

E tipo di musica den e festival aki ta esun cu e grupo millennial gusta. Nan ta e futuro viaheronan y ta importante pa for di awor caba cuminza invita millennials pa bin Aruba specialmente esnan cu tin suficiente pa gasta, y cu ta gusta experiencia pues no ta worry pa gasta nan placa. E festival aki tambe ta duna nan e segmento corecto pa loke ta concerni e tipo di musica, segun e funcionario di ATA.

ATA ta sumamente contento pa duna su contribucion na e festival aki, el a subraya y a desea e organizadornan exito cu e actividad aki.

 

 

- Advertisement -

DUNA COMENTARIO

Please enter your comment!
Please enter your name here