Home Policial Maltrato grave net dilanti porta di Banco den Caya Grandi

Maltrato grave net dilanti porta di Banco den Caya Grandi

1289
0
SHARE
- Advertisement -

ORANJESTAD (AAN): Un conmocion y desordo di otro mundo por a tende Diaranzon merdia den Caya Betico Croes na Playa.

Net dilanti e Oficina Principal di Caribbean Mercantile Bank, un pelea a start.

Un homber a cuminza na bati un ciudadano cu hopi forza y rabia, y na final el a dale cu un obheto fuerte, causando golpi y trauma duro na e ciudadano, y su curpa a keda cu herida, a cay y keda eybao benta.

Yamadanan a cuminza drenta na tanto Polis, como tambe Ambulans pa manda unidad cu urgencia.

Diferente unidad di Polis a yega mesora, pa asina domina e situacion.

E agresor masculino a wordo deteni, y a ser transporta pa Warda di Polis pa interogacion.

Dos unidad di Ambulans a yega, y Paramediconan a stabiliza e victima prome, y despues a pone riba brancard y a hibe Servicio di Emergencia na Hospital pa trato medico.

Kico ta e origen di e problema y maltrato aki, no ta conoci.  Tampoco tabatin indicacion si acaso e dos personanan aki conoce otro, of no.  Awor Polis tin di bay check tur e detayenan aki.

- Advertisement -

DUNA COMENTARIO

Please enter your comment!
Please enter your name here