Home Politica Mehora control y sancion pa infraccion di nos leynan riba tereno di...

Mehora control y sancion pa infraccion di nos leynan riba tereno di naturalesa y medio ambiente

10
0
SHARE
- Advertisement -

Vision 17- 21 Hunto Nos Por; Naturalesa y Medio Ambiente

ORANJESTAD    (AAN):   Ultimo añanan e ta mas y mas notabel cu tin necesidad pa reforsa y amplia nos leynan pa proteccion di naturalesa, (“Natuurbeschermingsverordening”. Aruba su poblacion ta sigui crece y comunidad (cu a cuminsa bira mas critico) ta preocupa cu nos ta perdiendo hopi zona berde, pa motibo di construccion di edificio y caretera.

Partido Pueblo Orguyoso y Respeta den su Plan di Gobernacion ‘Vision 17-21 Hunto Nos Por’ ta indica cu lo reforsa y amplia e ley pa proteccion di naturalesa. Tambe lo Finalisa, aproba y implementa un maneho integral di naturalesa y medio ambiente den consulta estrecho cu tur stakeholder. Tambe lo finalisa y publica lista di especie protehi, mehora control y sancion pa infraccion di nos leynan riba tereno di naturalesa y medio ambiente. Tambe lo ancra den ley tratadonan internacional (manera Ramsar convention).

Dump Parkietenbos y dumpnan ilegal

E situacion di dump na Parkietenbos y dumpnan ilegal tur rond di nos isla ta keda un topico importante pa atende cu ne y partido POR dentro di 100 dia cu asumi responsabilidad gubernamental lo bin cu un solucion definitivo pa dump na Parkietenbos haciendo uzo di companianan local y tecnologia moderno y proba di reciclahe y di converti sushi den energia. “waste-to-energy”: Identifica y elimina dumpnan ilegal, mehora control y bin cu sancion pisa pa esnan cu ta comete infraccion.

Implementa principio di bon gobernacion (“good governance”) y transparencia cerca tur organisacion activo den sector medio ambiental cu ta ricibi fondo di pais Aruba como tambe sostene y duna oido na e organisacionnan aki.

POR den e proximo gobernacion tambe lo percura pa establece un Marine Park y ancra den ley areanan protehi teniendo na cuenta e balansa entre proteccion di naturalesa y medio ambiente marino como tambe actividad economico. Lo implementa un maneho di cuido y mantencion di nos playanan, percura pa restablece ordo y structura na nos playanan y mehora nan calidad.

Pa loke ta energia alternativo POR lo continua cu ubicacion di panelnan solar na scolnan y amplia e proyecto aki pa edificionan di gobierno. Crea y implementa un programa di incentivo pa stimula produccion y uzo di energia alternativo.

Implementa condicionnan estricto pa loke ta rosamento di tereno pa asina salvaguardia nos flora y fauna (incluyendo e parti maritimo). Implementa programa di restauracion di nos flora y fauna, stimula plantacion di matanan local (incluyendo mangel) pa contraresta e impacto di rosamento di tereno. Inicia proyecto pa stimula crecemento di coral, implementa programa di cria pa fauna local (manera shoco, prikichi, coneu y calco).

Control y sancion:

Ora tin cambionan of adaptacionnan ta importante tambe pa e aspecto di control y sancion ta ‘in orde’. Den ‘vision 17-21 Hunto Nos Por’ lo controla y sanciona tur compania cu ta haci daño na nos medio ambiente riba tera y den lama. Tambe reforsa Bureau City Inspector.

Conscientisacion:

Finalmente, conscientisa comunidad riba tur locual a menciona por medio di un campaña educativo na scolnan como tambe den espacio publico riba diferente tema (manera reciclahe y uzo di energia consciente);  Inclui conocemento di nos herencia natural, flora y fauna,agricultura y pesca den curiculo di scol. Mehora y promove uzo di transporte publico pa reduci uzo di auto priva y stimula uzo di material degrabadel.

 

 

- Advertisement -

DUNA COMENTARIO

Please enter your comment!
Please enter your name here