Home Politica Minister di Finansas ta purba bagatalisa e seriedad di e situacion financiero...

Minister di Finansas ta purba bagatalisa e seriedad di e situacion financiero di pais Aruba

13
0
SHARE
- Advertisement -

Andin Bikker:

ORANJESTAD    (AAN):  Andin Bikker di partido POR, E Forsa Nobo, a tuma nota cu e minister encarga cu Finansas Publico di pais Aruba, sr. Angel Bermudez, lo a haci referencia den cuadro di e debe nacional di nos pais, cu tin paisnan cu tabatin un nivel di debe di como 140% di nan GDP y nan no a bay bancarota.

Partido POR por a ripara den diferente actuacion di e minister ultimamente cu e ta laga su mes lamentablemente wordo dirigi door di e deseonan politico di Sr. Mike Eman. E deseonan di Sr. Eman pa loke ta Finansas Publico no ta deseonan responsabel, pasobra sr. Eman su vision eroneo di endeuda pais Aruba pa purba crea crecemento economico a hiba Aruba na un nivel di debe inacceptabel.

Si no ta paso Aruba ta den Reino Hulandes bow e capa y proteccion di madre patria Hulanda, nos lo ta wordo considera bancarota caba y nos bononan lo ta na un nivel di asina jama “junk bonds”, segun Andin Bikker. Ora emiti  bononan “junk” pa fia riba mercado internacional y local, e interes cu lo haya no ta 4% no ta 4.5% ni 5%, pero lo ta 12 of 14% pasobra e risico ta sumamente halto. Segun Andin Bikker na final di dia, inversionistanan of credit rating agencies manera Standard & Poor’s, Fitch, of un instanicia manera IMF, sa cu pa Hulanda sanacion financiero di Aruba su debenan ta eigenlijk un kinipi di wowo, dus esey ta mantene nos credit rating na un nivel relativamente mas positivo cu si nos lo ta riba nos mes.

Esaki no ta kita cu Aruba tin un posicion autonomo den Reino Hulandes y Aruba tin su propio responsabilidad pa sanea e situacion financiero, sino cada bes indirectamente Reino Hulandes ta duna señalnan cu e mester sosode.

Esaki a pasa tempo cu Reino Hulandes a nenga pa duna aprobacion pa firma presupuesto 2014, locual a resulta den un welga di hamber di Ensure di Sr. Eman y despues na mei 2015 a bin un protocol caminda practicamente a obliga pais Aruba pa introduci un ley di CAFT pa tin supervision financiero.

Basicamente e mensahe di Reino Hulandes ta, si bo no haci bo huiswerk nan ta hacie pabo, y partido POR no ta kere cu mester sigui bay den e direccion ey.

Pesey ta di lamenta cu Sr. Bermudez a cay den un agenda politico, enbes di ta responsabel y ehecuta e trabao cu semper a wak y spera di dje ora cu el a keda nombra como zakenminister. Y ta di lamenta cu Sr. Bermudez kier compara nos cu paisnan cu lo ta tin nivel di debe di como 140% di GDP y cu tog lo a sobrevivi, ja cu esey no ta aplicabel pa Aruba.

Si wak bon ta un pilar economico Aruba a resta, esta turismo. Si bay fia riba tereno internacional e poder di paga bek ta loke ta conta. Si tin un persona cu por ehempel tin 10 negoshi cu e por paga bek un debe cu el a haci y tin un otro cu tin un negoshi so, automaticamente e interes di esun cu tin 10 negoshi ta menos pasobra e abilidad pa paga bek e placa cu el a fia ta mas grandi cu esun cu tin un negoshi so. Den e comparacion aki pais Aruba ta un pilar economico so e tin y ta door cu Aruba ta bow di capa di Reino Hulandes e wordo mira como financieramente protegi, locual ta permiti cu no obstante cu Aruba ta den un situacion precario cu e ta na 86% di su GDP den debe y ta pagando como 230 miyon pa aña na interes, asina mes por fia na 4.5%, 4.25% riba mercado local y internacional.

Pues e reto cu Aruba tin pa loke ta e rescate economico di e pais aki ta hopi grandi. Partido POR ta e unico cu a presenta plan di rescate economico realistico basa riba consulta cu Pueblo.

- Advertisement -

DUNA COMENTARIO

Please enter your comment!
Please enter your name here