Home General Minister di Husticia entusiasma cu fusion di FADA y CAA pa un...

Minister di Husticia entusiasma cu fusion di FADA y CAA pa un servicio mas eficiente

43
0
SHARE
- Advertisement -

 

ORANJESTAD (AAN)  – Durante e inauguracion di e oficina na unda FADA y CAA lo comparti nan servicio pa brinda ayudo di prevencion y curacion na adictonan, den Distrito di San Nicolas, Minister di Husticia Arthur Dowers a hiba palabra.

El a mustra su satisfaccion como minister di husticia cu ta encarga cu e sector di droga tambe. El a bisa cu p’e ta un placer di tey presente, y a elogia e hoben artista di nomber Jorge, su creatividad y con el a transforma e edificio, situa na v/d Veen Zeppenveldstrat, den algo bunita y yen di color, pa San Nicolas, cu ta algo cu ta inspira hende pa yega eybanda, cu di wak so con e ta pinta e sa caba cual edificio e ta.

E dignatario a expresa cu gobierno ta luchando pa yega na un formula, mescos cu hopi di e personanan cu a cay den adiccion ta lucha, cu cual por brinda e servicio di mas optimal posible pa nos comunidad.

E mandatario a referi na e lugar unda e ayudo pa adictonan tabata ubica prome, den e Centro Medico San Nicolas, unda cu e personanan cu tabata tin mester di ayudo mester a pasa den un gang cu hopi hende cu, e por imagina su mes, hopi di nan a bira bek pasobra nan no kier a wordo mira pa tanto hende. El a constata esaki durante bishitanan cu e ta haci na su departamentonan.

Den e edificio nobo aki esaki ta hopi mas priva, y esaki ta un plus na e servicio cu nan por brinda.

E minister a sigui bisa cu e lucha contra adiccion ta un cu a wordo hiba pa hopi aña door di FADA, e departamentonan di gobierno y despues na FMA. E dignatario a expresa cu ta masha bunita momento pa uni tur e forzanan aki y uza tur e experticia cu nan tin pa brinda e servicio aki na un manera mas optimal y eficiente posible. Esaki ta conta hopi na e momentonan aki cu tin cu baha costo, pero nan ta hacie na un manera holistico tambe, segun e mandatario.

Minister Dowers a  felicita e bestuur di FADA y CAA cu na momento cu nan a wordo acerca pa integra nan trabao, nan tabata positivo pa haci esaki. El a gradici sr. Gibbs tambe cu a tuma e opdracht aki na serio, como tambe Juendel Sprok como director di FADA cu tabata masha habri mes pa yega na e cooperacion.

E dignatario a acentua cu esaki ta e actitud, e manera di traha pa por brinda e servicio aki mas optimal y a remarca cu prevencion mester keda e tema central, pasobra nan kier pa ningun hende mas cay den drogadiccion, y si ta hoben of famianan mester di informacion con pa logra esaki, esaki ta e caminda na San Nicolas cu mester bin. Y pa esnan cu a cay den drogadiccion caba, e proceso di tratamento ta uno di rehabilitacion pa henter bida tambe di keda preveni pa no cay bek. Si un hende bolbe cay, e instancianan tey pa yude lanta bek, pero e punto di salida ta cu e trabao cu FADA a haci pa hopi aña ta wordo completamente incorpora, pasobra eigenlijk ambos partner ta haciendo mesun cos.

Seguidamente a pasa pa e cortamento di cinta cu cual e opening oficial a conclui.

- Advertisement -

DUNA COMENTARIO

Please enter your comment!
Please enter your name here