Home Beyeza Miss World Anouk Eman cu un evento 27 di Augustus

Miss World Anouk Eman cu un evento 27 di Augustus

219
0
SHARE
- Advertisement -

ORANJESTAD(AAN): Recientemente Anouk Eman, Miss World Aruba 2017 a informa su proyecto di genera fondo, cu e mester organisa en conexion cu su participacion na Miss World Aruba 2017.

Anouk tin un afeccion pa muchanan cu Autismo y tambe a studia den e area aki y tin un Master’s Degree den ‘Early Intervention in Autism’; cual ta ensera cu e por detecta e muchanan cu Autismo den e añanan mas crucial (for di edadnan jong); pa e motibonan aki el a scoge pa yuda e Fundacion AutismoAruba (FAA) pa genera fondo pa e Fundacion y asina yuda nan pa logra nan metanan.

Autismo poco poco a wordo acepta y reconoce como un ‘disorder’ y e no ta un berguensa mas cu un mucha tin Autismo manera antes. FAA ta hasiendo tremendo trabou concientisando mayornan y educadornan con pa atende cu mucha nan cu ta cai den e spectrum.

Tambe tin un Centro di Autismo priva ‘Brighter Future’ cu un terapista, cu ta yuda e muchanan cu Autismo pa nan por ta independiente.

Pa e proyecto ‘Beauty with a Purpose’, Anouk ta organisa un “Zumba With a Purpose’.

Esaki lo tuma lugar: diadomingo 27 di Augustus, den e parking lot di Alhambra Mall.

E evento lo tuma lugar di 7’or di mainta pa 9’or di mainta.

E programa lo consisti di un Opening show cu ta un warm up pa e Zumbathon.

Despues di esaki, e Zumba lo start unda cu e tres instructor; Niurca De Cuba, Andrea Alfonzo y Rachel Eman lo tin e Zumbathon na nan encargo.

Ademas e artista Randall Luidens, mihor conoci como Zyon, tambe a duna su aporte y lo bin deleita nos cu un di su canticanan y lo bin canta ‘live’ pa tur participantenan.

Alavez lo tin facepaint pa e mucha nan y miembronan di Fundacion Autismo Aruba tambe lo tey presente pa duna informacion y lo tin algun material di e Fundacion na benta.

Participacion ta costa 25 florin pa adulto y 10 florin pa mucha te cu 12 aña.

Lo tin fruta, awa y Gatorade pa tur participante.

Ademas lo tin varios premio atractivo:

  • E prome premio lo ta 1 weekend stay di Divi & Tamarijn Aruba All Inclusive
  • Ademas lo tin 2 dinner for 4 na un di e restaurantnan di Divi Resorts
  • un Tablet di Sam’s Electronics
  • un Gift certificate di Sport Caribe
  • un Gift certificate di BrasilSul y
  • un makeup basket di Romar Trading

Mester registra na comienso di e evento pa asina por participa na e Zumbathon y tambe pa por gana un premio.E mesun mainta despues di e evento, lo saca e premionan y e personanan mester ta presente pa por reclama nan premio.

Anouk ta pidi tur participante pa bini bisti na blauw, ya cu esey ta e color di Autismo.

Miss World Aruba 2017 a gradici Sr. Alex Nieuwmeyer, cu mesora tabata dispuesto pa patrocina cu Divi Resorts y Fusion Restaurant Wine & Dine; Marinus Wegereef y Monique Janssen di Sport Caribe, cual Adidas a sponsor su outfit pa e ‘Zumba with a Purpose’ y durante su preparation pa Miss World. E instructornan tambe lo luci espectacular den nan outfit di Adidas.

Anouk ta yama danki tambe na e instructornan di Zumba, Niurca de Cuba, Andrea Alfonzo y Rachel Eman; e cantante Zyon pa nan aporte na e ‘Zumba With a Purpose’.Tambe Anouk kier a gradici Elite Production cu a facilite cu tur e ekiponan incluso e stage y zonido.Interprint cu a sponsor e ticketnan y tambe na Divi Resorts, Sport Caribe, Sams Electronics, Brasilsul y Romar Trading pa e tremendo premionan!

E ticketnan ta obtenibel for di diaranson, 16 di augustus na Peanuts Restaurant, cerca e instructornan di Zumba, Sport Caribe, Adidas store, Emco y for di diabuebs entre 9or di mainta pa 12or di merdia y 2or pa 4or di atardi na oficina di Fundacion di Autismo/Brighter Future, dilanti di Sivi Divi Restaurant den de La Salle straat. Tambe bo por bestel bo ticket via facebookpage zumbawap y e ticketnan lo wordo entrega den 24 ora.

Aruba poco poco a bira mas consciente di nos salud y hopi hende ta practica un deporte pa mantene e curpa den un bon condicion. Pa medio di esaki, Anouk Eman, Miss World Aruba 2017 ta invita tur persona, cu ta practica cualkier deporte, personanan cu ta practica Zumba y pueblo en general pa bin participa na e ‘Zumba With a Purpose’ y asina sostene cu e ‘Beauty with a Purpose Program’ den su participacion na Miss World 2017.

 

 

- Advertisement -

DUNA COMENTARIO

Please enter your comment!
Please enter your name here