Home Deporte Monica Sanchez ta conkista e titulo maximo den e Ben Weider Caribbean...

Monica Sanchez ta conkista e titulo maximo den e Ben Weider Caribbean Classic 2017

256
0
SHARE
- Advertisement -

ORANJESTAD (AAN): Conkista e titulo maximo den e competencia di Bikini Fitness 2017 door di e atleta Arubano, Monica Sanchez den e Ben Weider Caribbean Classic 2017 tabata uno grandi pa e deporte di bodybuilding y fitness di Aruba. E logra aki ta un di esnan mas grandi conkista pa un atleta di Aruba den un competencia internacionalmente renombra manera e Ben Weider, e prome profesional den Bikini Fitness. E competencia sin duda tabata uno di nivel halto huzga pa jueznan di taya mundial cu a bini di tur parti mundo. Mas cu claro ora a anuncia Monica Sanchez como a ganador maximo e publico presente di Aruba a lanta bula den e ballroom di Marriott Hotel. No por tabata falta e lagrimanan pa cu e conkista aki. Pa loke ta Monica mes, e no por a kere mientras e emocionnan tabata super grandi cu ta pone uno sintie orguyoso. Manera Monica a bisa den su entrevista cu e ta contento cu e titulo y ta spera cu esaki lo por habri porta pa nos atletanan di Aruba internacionalmente. Tambe Monica lo kier ta un inspiracion pa e hoben atletanan cu tambe ta practica e deporte aki, e lo kier yuda nan yega mas leu cu ta posibel. For di man di e presidente di e federacion internacional di Bodybuilding(IFBB), Dr. Rafael Santonja den presencia di miembro di COA y IOC, Sra.Nicole Hoevertsz y presidente di Aruba Bodybuilding Association, Sr.Giovanni Arendsz, e atleta Sanchez ta ricibi su premio maximo. Un pabien na e atleta Monica Sanchez, Hardcore Gym y Aruba Bodybuilding Association. Potret y info pa cortesia di 297Sports.

- Advertisement -

DUNA COMENTARIO

Please enter your comment!
Please enter your name here