Home Politica Movimento RAIZ awenochi den Centro di Bario Dakota

Movimento RAIZ awenochi den Centro di Bario Dakota

75
0
SHARE
- Advertisement -

ORANJESTAD(AAN)—  Ya caba pa algun siman movimento RAIZ ta bishitando diferente bario pa asina comparti nan mensahe di un politica nobo cu e pueblo di Aruba. Hopi ta esnan cu a demostra nan interes, reaccionando positivamente riba e filosofia tras di e movimento hoben aki y ta sinti cu porfin tin un aire fresco di berdad, un opcion nobo pa proximo eleccion dia 22 di september cu nan no a spera of tabata anhela p’e.

Awe ta toca turno na e bario di Dakota. Si bo tambe kier ta presente pa conoce mas di RAIZ, si bo kier tambe kier planta bo simia pa un mihor futuro pa nos isla, considera bo mes cordialmente invita pa pasa awenochi na Centro di Bario Dakota, unda cu di  7 or y 30 anochi pa 9 or y 30  Raiz lo percura pa un anochi informativo pero tambe interactivo. Durante e anochi aki por topa e candidatonan en persona y tende e vision y plannan cu RAIZ kier comparti cu Aruba.

“Nos ta sumamente contento y satisfecho cu e reaccionnan cu nos ta ricibiendo durante nos Cultivando Tour te awor. Hopi di esnan cu ta bishita nos of sigui nos desaroyonan via e.o. live-stream di Facebook, ta demostra nan sosten cu tanto entusiasmo,” lider di movimento Raiz, Ursell Arends ta splica, poco sorprendi di e acogida grandi cu Raiz ta causando.

Durante e encuentronan di RAIZ su Cultivando Tour, ful e team di e movimento lo ta splicando ampliamente dicon e movimento a ser funda y kico e intencion tras di nan iniciativanan ta.

RAIZ ta invita pueblo henter pero particularmente e bario di Dakota y becindario pa acudi masalmente na e anochi informativo aki.

“Si bo tambe ta anhela pa un cambio real, nos ta invitabo pa bin uni na nos causa pa di e forma aki cambia e rumbo di nos dushi pida baranca pa uno cu un destinacion mas sigur, mas firme, cu ta envolucra y no exclui nos ciudadanonan,” segun sr. Arends. “Raiz – mescos cu Aruba – no ta pertenece na ningun persona, e movimento aki kier crea un plataforma cu ta boga pa e bienestar di nos tur bibando riba e isla aki!”  Arends a finalisa.

 

- Advertisement -

DUNA COMENTARIO

Please enter your comment!
Please enter your name here