Home Deporte Muchanan di Categoria Colt rumbo World Series na Indiana

Muchanan di Categoria Colt rumbo World Series na Indiana

126
0
SHARE
- Advertisement -

ORANJESTAD(AAN): Eduard Cheong ta un di e coachnan di un ekipo di baseball di categoria Colt 15/16 di Pony League. Nan ta bayendo World Series na Indiana, cual nan a gana e derecho den e region di Caribe como campeon. Nan tin di e muchanan como 6 di nan cu a yega di participa aña pasa caba.

Nan a gana experiencia y a pasa hopi bon.  E otro grupo ta muchanan cu a caba di subi, y e team ta basta bon balansa. Nan tin como tres siman ta train tur dia cu ta di dialuna pa diasabra y ta hopi bon hinca den otro. E capacidad di e muchanan cu tin eynan ta algo cu tin cu tene cuenta cun’e pasobra nan tin talento.

Rumbo World Series:  Cheung ta sigui conta cu tabata tin un torneo regional cu a tuma luga na Aruba fin di Juni y a caba dia 2 di Juli. Eynan tabata tin paisnan manera Panama, Puerto Rico, Corsou y nan a bin na Aruba pa e regional, unda cu Aruba a sali campeon.

Tabata tin algun costo envolvi. Nan a tene radiothon na e rotondenan di Aruba. Nan tabata tin carwash tambe. Tabata tin algun bendemento di rifa interno aki aya, y tur a yuda.  Nan a haya un yudansa di parti di Lotto pa Deporte, pero e otronan ta gewoon riba nan mes. Leu leu ta haya un tiki di Aruba Bank pa e uniformnan.  Nan ta bay hunga 5 wega y si nan logra akinan, nan lo coy campeon y bin cu e titulo di Aruba.  Di awor caba DIARIO ta desea nan exito.

- Advertisement -

DUNA COMENTARIO

Please enter your comment!
Please enter your name here