Home Deporte Mustang Car Club Aruba ta bay celebra 20 aña di existencia

Mustang Car Club Aruba ta bay celebra 20 aña di existencia

97
0
SHARE
- Advertisement -

ORANJESTAD (AAN): Relaciona cu e 20 aniversario cu Mustang Car Club Aruba ta bay celebra, bo matutino DIARIO awe ta trece un relato chikito encuanto Mustang Car Club Aruba su comienzo y te unda e ta awendia. Ta asina cu den aña nan 1900 bin ariba, diferente persona cu tin e asina yama amor pa automobilista, a cuminsa ta drecha autonan pa asina Sali core rond y un di e ambiente nan tabata drecha autonan clasico. Sinembargo e otro banda, tabata e hoben nan cu mas bien tabata kier a presenta autonan cu un tiki mas speed y asina a cuminsa ta drecha autonan manera e famoso nan, Camaro, Baracuda y Mustang. Den cuadra di e Mustang, ariba un dia na 1997, tres amigo cu tabata sinta ta goza din an Mustang, a dicidi pa pone cabez hunto y asina lanta un club pa e doñonan di Mustang. E tres personanan aki tabata Eric de Cuba Sr, Maiky Kelly y Doque Croeze. Mustang Club Aruba e tempo a logra di cera un total di 8 Mustang como parti din an club. Akinan a bini hopi intercambio di idea y asina un a cuminsa yuda e otro, pa e Mustangnan por tabata mas miho possible representa. Nos por corda ainda, con te hasta a cuminsa bini cu Mustangnan, cu motornan manda te aya y tabata core basila ariba caya, cu headers, tire hancho y cla pa raspa un burn out na ordo di dia. E prome President pa Mustang Club Aruba tabata den persona di Eric de Cuba Sr, kende porcierto ainda ta un miembro active di e Mustang Car Club Aruba a actual. Eric a fungi como President for di 1997 te cu anja 2000. Den e prome speech di Eric de Cuba sr como president di Mustang Club Aruba, el a pone como metanan, 1) pa lanta e club di Mustang y percura pa esaki sigui tan a bida pa hopi anja. 2) Rebiba e gustonan pa autonan Mustang y organiza Car Show pa presenta e autonan aki. 3) hasi donacion pa yuda otro fundacion den comunidad di Aruba. Den transcurso di aña 2001 pa 2007, Mustang Club Aruba, a conoce diferente otro persona cu a fungi como President, entre nan nos ta haya, Abath, Gregory Croeze, Poyo Romero. Na aña 2007 Roland Thijsen a wordo eligi como e President di Mustang car Club Aruba y cual mandato e ta carga te cu awendia, pues ya caba cumpliendo 10 aña como President. Actualmente Mustang Car Club Aruba ta conta cu mas o menos 35 a 40 miembro activo. E actual board member nan ta consisti di  President Roland Thijsen, Secretaria Joyce Ras, Tesorero Karina Tromp, Comisarionan Leomar Croes y Frans Tromp. Mustang Car Club Aruba ta bay celebra su di 20 aniversario dia 2 di September 2017 y esaki lo bay tuma lugar dilanti di e edificio di Yrausquin ariba Boulevard. Akinan ta conta cu participacion di e autonan Mustang, y otro auto y brommer nan cu a wordo invita pa e gran dia aki.

- Advertisement -

DUNA COMENTARIO

Please enter your comment!
Please enter your name here