Home Cultura Na Paseo Herencia a devela busto di James Edgar Connor

Na Paseo Herencia a devela busto di James Edgar Connor

99
1
SHARE
- Advertisement -

ORANJESTAD     (AAN):   Ariba Diabierna, 18 di Augustus Management di Paseo Herencia conhuntamente cu Famia Connor a homenegia Mr. James Edgar Connor durante un anochi masha ameno. Edgar Connor a nace na aña 1939.

Na aña nan 1950, na un edad hopi hoben Edgar a imigra for di Trinidad pa Aruba y asina introduci steelpan music na nos isla. Edgar tabata traha steelpan for di bari di azeta, e tabata stem nan, toca nan y duna les di steelpan.

Door di Edgar su dedicacion y passion pa musica di steelpan ela haya e nomber di cariño “Panman” y asina ela lanta e grupo cu existi te dia di awe hunto cu famia Connor cual ta Aruba Invaders Steel Orchestra. 10 aña pasa Paseo Herencia a dedica nan Amphitheater na Edgar Connor. Awor despues di 10 aña a pone busto na honor di Sr. Edgar Connor. Den pasado Paseo Herencia a pone busto di politico nan cu e influencia Aruba su historia y cultura cual ta Sr. Henny Eman, Sr. Betico Croes y Sr. Juancho Irasquin y nos “Mama di Cultura” Sra. Bernadina Growell. E persona cu a traha e busto nan den pasado incluyendo esun di Sr. Edgar Connor ta e talentoso Sra. Maritza Erasmus.

Durante e evento Ruben Garcia hunto cu Paula Engelen a entretene tur invitado nan. Tabata tin diferente shownan y a conta e historia di Sr. Edgar. Ruben a invita publico pa pasa na e busto pa asina devela esaki hunto. Un invitado muy especial tabata nos “Tata di Cultura” Padu del Caribe cu tambe tabata tey presente pa gosa di e anochi.

Paseo Herencia ta un mall cu semper kier educa turista y local di e historia di Aruba. Pa nan e ta un honor di por a revela e busto di Sr. James Edgar Connor y ta invita pueblo completo pa pasa wak e busto cu ta situa na e muraya di e amphitheater net na e trapi pa subi pa bay The Cinemas.

 

- Advertisement -

1 COMMENT

  1. E loke a traha pa Sr. CONNOR no ta un busto, sino na hulandes nan ta jam’é “gedenksteen”. Un busto ta: mitar curpa di un hende den brons of den gips of algo otro. Check e cosnan aki bon prome cu skirbi.

DUNA COMENTARIO

Please enter your comment!
Please enter your name here